Daclan: Super Mom sa Phase 3

SUPER Mom Phase 3 sa Kadasig Tisa, ang kalingawang syodi gyud nako makalimtan as in grabeh congrats sa mga finalist mothers, working committee. Duday ug Jocel labi na sa presidente dha nga si Tessie Racho.

Nahimong mabulokon ug super success ang fiesta sa phase 3 para sa ilang patron Inahan sa Kanunayng Panabang, gikan sa novena ug mga kalingawan matag gabii diin ako mismo pod ang nangunay pag-emcee, unswaon lisod gyud balibaran ang presidente dinhi nga si mamu, mader, tisay ah basta Tessie Racho is da name uban sa iyang mga angels nga si Bhebs ug Daisy.

Una pa lang gisugat dayon tag dance contest nga mga wayuk pod ang nangapil, naa pay amateur singing contest, bingo social nga gipaluyohan ni Madam Cabulao, battle of champion, pretty boy, Ms. Teen phase 3 ug ang pinaka highlight ang “Super Mom”.

Dinhi nagtigi ang mga misis nga sila si Floralea, Wilisa, Jackilou, Minda, Mary Ederlyn, Jovita, Rosemarie ug Judiza.

Wala gyud palupig ang usag usa kanila, gipangandaman gyud kini sa mga nanay ug mama, gikan sa praktis hangtud sa showdown nila effort gyud sila tanan mao nga angay gyud silang pakpakan ug pasidunggan.

Syodi pa-iwit ang mga misis sugod sa production number, casual, rampa ug gown ambotyang lupigon ang mga dalaga ug take note ang ilang talent grabeh pabonggahay, sila tanan pulos winner.

Sa question & answer mas wayuk kay pulos sila lain-lain ang mga kasinati-an mora gud ug true confession ang nahitabo ug ilang tubag to da highest level.

Sa katapusan naangkon gyud nila ni Mary Ederlyn Menguito 2nd runner-up, Jackilou Fuerte 1st runner-up ug Judeza Divenadera ang Super Mom Phase 3.

Kaninyong tanan diha daghan kaayong salamat labi na ni Mader Tisay, Dackling, Jocel, Duday, Benjie, Bhebs, Daisy, Jessie, Helen, Aton, Ebeth ug sa nanats diha...ay’g saba!