Tambagi ko Noy Kulas: Sex sa mag-agaw

DEAR Noy Kulas,

Tawga ko sa ngalang Anna, 24. Akong suliran kabahin sa mga ig-agaw sa akong uyab nga kanunay nakong masakpan nga maghilawas. Kining tanan nagsugod atong una nako silang nasakpan ug wa ko makahibawo sa unsa ang angay kong unang buhaton. Mao na nga mangayo ko nimo ko og tambag nga unta matabangan ko nimu nga unsaon ko pagsulti nila nga undangon na nila ilang mangil-ad nga binuhatan.

Nagsugod ni adtong una ko nga nipuyo dinhi sa balay sa akong uyab. Two months na ko nag stay dinhi sa ilang balay. Sa kwarto nila dako ug dunay lapad nga foam para higdaan namo. Tupad mi’g tulog sa akong uyab ug aning iyang ig-agaw nga babaye. Matag buntag sayo makamata lang ko kay mosulod sa among kwarto ang iyang ig-agaw nga lalake nga ulitaw, way trabaho.

Nangutana ko sa akong uyab nganong mobalhin sa pagkatulog ang iyang ig-agaw sa among kwarto nga naa man unta sila’y dako nga balay.

Matod sa akong uyab nga mahadlok siya nga maorang usa sa ilang balay. Molakaw man og sayo ang mga ginikanan alang sa trabaho. Naay usa ka buntag nga nakamata kog kalit ug sa pagbuka nako sa akong mata nakit-an ko ni silang duha. Wa ra ko atong higayuna. Sa sunod-sunod nga adlaw nakasakop na ko nila nga naghilawas pero wa maghubo og sapot. Naghabol silang duha.

Nakulbaan ko ug wa ko makahibaw sa akong buhaton.

Gisultihan nako akung uyab ug nakabantay na pod diay siya, Noy. Karon mangayu ko og tambag ug tabang nga unta mahonong na ni sila kay karon ang pagpuyo sa malinawon ug mahapsay nga pamilya sa akong uyab nagkabwesit-bwesit na. Di ba kaha ni tungod sa ilang mangil-ad nga binuhatan?

ANNA

Anna,

Ang angay mobadlong niana nila mao ang imong uyab kay ila man na nga relative kay ikaw igo ra baya sab nga nagpuyo diha sa balay sa imong uyab. Ambot nganong naa sab ka nagpuyo diha ug naa pa sa usa ka kuwarto. Hinaot unta nga wa mo magbuhat usab sa gibuhat nianang gibuhat sa iyang mga ig-agaw kay wa nay kalainan sa ilaha.

Sultihi ang imong uyab nga sultihan ang iyang mga ig-agaw nga nakahibawo mo sa ilang gibuhat aron mahigmata sila sa kamatuoran nga naa diay nakahibawo sa ilang di maayong gibuhat. Warning kini nila nga undangon ang ilang gibuhat kay makagubot gyud na sa ilang pamilya kon pasagdan lang na ang ilang dautang buhat.

Tinuod, dako kaayong posibilidad nga ang nagdala og dimalas sa balay mao nang sexual encounters sa iyang mga ig-agaw sulod sa ilang balay.

Nahimong sayon sa mga demonyo ang paghapak og dimalas nianang mga tagbalay tungod sa sala nga ginabuhat na kanunay sa sulod niini. Mao man gyud na ang sagad nga mahitabo sa mga dapit diin dunay sala nga ginabuhat, sama nianang pre-marital sex. Kon ang lugar gihimoan og dakong sala, kana naghatag og higayon sa dautang mga espiritu sa pag-afflict sa mga nagpuyo niini.

Naghatag sila og agianan sa mga dautan nga espiritu nga makahasol kanila.

Ikaw sab pangitag laing lugar nga mapuy-an aron makalikay mo sa mga tentasyon kay kanang imong gibuhat, you are courting temptation.

NOY KULAS