Tambagi ko Noy Kulas: Seaman

DEAR Noy Kulas,

Ako si Miss Awe, single, pero naay uyab. I’m 19 years old.

Akong problem is about my boyfriend. Two years na mi ani niya apan buwag unya magbalik ra sad. Ako may mouna niya og away. Maybe naa siyay kagahapon 3 years ago nga hangtod karon wa gihapon nako nadawat. Di pa mi uyab niadtong higayuna apan pag-confess niya nako proud man kaayo siya nga nakasuway na siya og sex nga one night stand sa usa ka bayaran nga babaye and nag-communicate sila after. Matod niya nga wa na sila.

Maglagot man gud ko nga maghuna-huna nga mahulog ba nga di siya tarong nga lalake though magsige siya og ingon nga di siya kabinuang nako kay mahadlok siya makarma. He is a seaman and nine years among gap. Yes, long distance among relationship apan mag-ulian siya every nine months. I’m afraid nga pariha ra siya sa uban apan matod niya nga karon wan a siyay laing babaye.

Tinuod bang ang mga seaman every port report? Tinuod kahang faithful siya nako?

Nagsige pa sila og communicate sa iyang ex bisan nisulti na ni nga di siya manghilabot namo. He is a bit aggressive ug duna nay nahitabo namo. Di man ko higpit niya, Noy, kay pasagdan ra nako siya nga maglingaw­lingaw.

MISS AWE

Miss Awe,
Di man tanang mga seaman ingon niana. Naa man koy nailhang mga seaman nga di man ingon niana. Nagdepende gyud na sa matag tawo ug pagkatawo. Kon sexually promiscuous ang tawo, kana every port report gyud na. Bitaw, seaman man o di, basta mahiligon og sex, molighot gyud na aron makapahungaw.

Prangka lang sab nga pagkasulti, ang iyang pagsulti kanimo nga ingon sa proud siyang nakapangabang og babaye di gyud maayo nga tilimad-on. Sa ato pa, alang kaniya medyo duwa ang ubang sexual encounters tali sa mga babayeng bayranan. Di kini serious alang kaniya. Binayran man o di, duna may relasyon o wa, naa bay affection ang panag-sex o wa, pareho ra gyud na. It is still sex. And if done outside of marriage, sala gyud.

Mao nay angay mong isulti kaniya.

Unya di sab maayo nga sign ang imong giingon nga siya medyo agresibo sa sex. Posibleng mohasmag siyag laing babaye kon gusto na siyang mopahungaw.

Kon wa kay peace of mind, timbang timbanga og maayo kon angay mo bang ipadayon ang relasyon ninyo o di. Mag-unsa man nang seaman nga dunay daghang kuwarta apan puno ka sa problema, wa kay peace of mind ug uban pa. Sa kinabuhi, kinahanglan dunay ba­lance.

Naa kay igo-igong butang nga abunda, apan kinahanglan naa ka say kalipay sa pagpuyo.

Know him well pa gyud pinaagi sa iyang pamilya ug mga higala. Pinaagi niining mga butanga, mas mailhan mo ang iyang pagkatawo. Unya ayaw na pagsugot nga iya kang angkunon og balik nga di mo makasal. Wa sab ko mag-ingon ha nga magdali ka sa pagpakasal niya. Lisod na og mahinayak ka unya imo rang mahayan. Paglikay lang sa di maayong linugdangan kon itugyan mo ang imong kaugalingon kaniya.

NOY KULAS

Alang sa imong problema, e-mail lang sa: kulassuper@sunstar.com.ph o sa rojval69@yahoo.com. Suwat sab sa: Tambagi Ko, Noy Kulas, Sun.Star bldg., P. del Rosario st., Cebu city.