Talk to Papa Joe: Wa mosustento

DEAR Papa Joe,

Ako si Miss Sagittarius, minyo. Kasado mi sa akong pares. Naa miy duha ka mga anak pero nagbuwag mi sa akong pares 14 years na. Nakakita ko og BF unya ni buntis ko. Ang problema kay wala kauyon iyang family nako kay naa daw koy anak sa una. Pag 7 months sa akong tiyan, nagbuwag mi kay mao man gyud ang gusto sa iyang ginikanan ug mga paryente.

Niabot ang panahon nga nanganak ko. Ang una nako nga mga anak naa sa akong mga ugangan kay sila man ang nagbuhi. Ang naa nako ang akong anak sa akong BF. Ang papa sa akong anak kay naa sa Naga nag-work as manager sa usa ka planta. Ni-ask ko niya og sustento apan daghan kaayo siya og reklamo kay daghan daw siya og bayrunon. Iya dayon kong kwentahan sa iyang gasto sa ilang balay. Pero naminyo na sad siya karon. Kauban ra niya sa work iyang wife. Naa silay anak nga usa. Mao nga nagpanagana na siya og hatag nako og sa sustento alang sa iyang anak.

Unsa man ang akong buhaton nga mohatag siya sa sustento sa iyang anak? Nga bisan unsaon nako og text di naman siya mo reply. Ang feeling nako, Papa Joe, iya na lang gikalimtan nga naa siyay anak nako. Karon 47 na iyang edad. Usa ni siya ka manager sa planta sa Naga.

SAGITTARIUS

Sagittarius,

Wala man sad nimo masaysay if nagdala ba og apelyedo sa lalake ang bata. Kay mas maayo nga nagdala unta kay naa kay pasikaran nga iya to kay kon wa magdala, maglisod ka og establish ana legally. Siguro, maong wa mohatag og sustento ang imong ex kay gatuo siya nga di nimo siya magukod kay di mo kasado ug kasado ka nga makabolyaso pa nimo.

Ako pa nimo, kon mahimo makig-alayon ka og lawyer para makita nimo ang imong katungod sa pagpangayo og suporta sa inyong anak. Tinuod, di man ingon nga manager naay daghang kwarta sad o dako og sweldo. Sa akong nahibaw-an gikan sa akong kaila nga gipangayuan og sustento mao nga gikwenta tanan iyang sweldo, minus balayrunon ug ang limpyo. Didto kuhaa ang sustento. Kana kay legal man. Pero sa imong sitwasyon mas maayo mokunsulta ka og abogado. Lastly you pray nga ma realize niya ang iyang obligasyon. Salamat.

PAPA JOE

(sa inyong tampo ipadala lang sa papajoelon@hotmail.ph o joelonrt@hotmail.com)