Daclan: Lilia Cuntapay, orig nga aswang
-A A +ANi Doodz Daclan
Ay’g Saba
Saturday, September 1, 2012
SIGURO wala ninyo maka-ila kini si Lilia Cuntapay apan nakaseguro gyud ko sa mga movie fanatics inyo na gyud kini siyang nakita.
Korak kay siya lang ang orihinal ug unang aswang mapa-pelikula man o telebisyon, unsa man nahinumdom na mo mga pipol?
Sa tanang mga horror films niadto ug karon pirmi gyud nang present ang Lilia Cuntapay, ang fez dili na to makalimtan pero ang name niya deadma lang tah.
Aswang, ungo, manananggal, white lady maski patay o zombie hapit nanats iyang nahimong papel. Hangtud gani naila siyang horror queen, excuse lang krissy pero si Lilia ang orig gyud di vah mga ashwang!
Apan morag na-in demand na usab ang Lilia kay gani nahatagan kinig akting award bag-ohay lang sa usa ka indie film nga take note ha siya na gyud ang bida, true!
Unya karon sa dihang nakakita kos iyang short film pinaagi sa internet ako ta mong dapiton sa pagtan-aw usab ani kay as in malingaw sad mo. Ang “Oh my goth!” diin makauban ni Lilia ang komedyanteng si Ketchup Eusebio ug ubos sa direksyon ni Chris Martinez.
Horror, suspense, komedi ug drama ang maong short film gikan kini sa Sun short koleksyon.
Kon nalingaw mo sa “kimi Dora” ug “Ang babae sa septic tank” pwes malingaw sab mog balik ni direk Chris M. nga maoy direktor sa unang pelikulang akong nahisgutan.
Busa go na ug watch sa maong short film ug comment dayon para syodi ma-iwit sa trending.... ay’g saba!
Daniel Padilla ug Kathryn Bernardo hangtud asa kutob ang ilang pagtago sa trulili nilang gibati sa usag-usa.
Way kwestyon kang Daniel kay open man kaayo kini sa iyang gugmang nag-uros-oros sa dalaga.
Gani willing sab gyud kini nga mohulat hangtud duha ka tuig para kang Kathryn, ambotyang kaya kaha kini sa guapo mao nay pangutana.
Unya ang prinsesang si Kathryn game kaha kini sa gipadayag ni Daniel? Unsa man sab ka tinood nga mag-MU na kini silang duha ug gisekreto lang nila para fair sa ubang kalabtim ni Kathryn, hala noh! ay’g saba!
Hapi bertday sa among amigang guapa nga si Jackilyn Parba, gikan namo ni Madam Jontish Jean......ay’g saba!
Gipatik sa mantalaang SuperBalita Cebu Septembre 02, 2012.
Kalingawan
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
