MANILA – Todo todo na ang rehearsal ni Inday Bote (Alex Gonzaga) para sa umaabot niyang first major concert sa Smart Araneta Coliseum karong April 25.
Opening number pa lang sa concert ni Alex, mawiwindang na kuno ang madlang pipol. Hmmm....unsa kaha kini ka-bongga?
Pero ang ako lang nga naobserbahan wala as guest performer ang maguwang ni Alex nga si Toni Gonzaga samtang kung may concert si Toni, kanunayng kauban si Alex. Di naman puwedeng ingnon nga nasa likod lang si Toni or siya ang producer tungod kay ang producer sa first solo concert ni Alex, si Joed Serrano man.
Usa pa sa akong namatikdan, di sad apil ang ex boyfriend ni Alex nga si Kean Cipriano as guest performer.
Ang front acts or guest performers sa first major concert ni Alex sila si Maja Salvador, Enchong Dee, Matteo Guidicelli, Paulo Avelino, Luis Manzano , Bamboo, Klarisse De Guzman, ug Leah Patricio.
Pero may mag-spoof pa yata sila si Chaka Khan, Cher, Britney Spears, Tina Turner... ambot kon apil na dinhi si Toni.
Anyway, achieved na achieved na ni Alex ang achievements sa iyang Ate Toni. Nagho-host na siya, umaarte, karon nagko-concert na, siguro usa na lang ang kuwang para masuhid na jud ni Alex ang mga nakab-ot sa iyang ate, ang mag-boyfriend og usa ka Direktor.
Hehehehe.
Wa pangutan-a bahin sa controversial video
Apil ang controversial young actor/singer/rapper nga si Young JV sa cast sa bag-ong teleserye sa ABS-CBN, ang “Nathaniel” nga magsugod na karong Lunes, April 20.
Kung inyong mahinumduman, nagkagubot last year ang netizen kabahin sa usa ka video nga giingong si Young JV ang nasa video nga may ka-cam to cam.
Nakita ko na ang maong video ug in fairness, anggid jud ni Young JV ang lalaki, morag babaye ang iyang ka-cam to cam kay lihok og sigeng gadiwalwal ang iyang dila, hahahaha.
Pananglit kuno kon may nangahas nga mangutana kang Young JV mahitungod sa maong controversial video kon siya ba jud kato o dili, siguro may andam nga tubag na si JV, pero wala may nagharong (or basin og unaware na or nakalimtan na ang issue sa mga press nga mingtambong sa presscon ) so wala na matuki ang controversial video na iyon.
Well, atong tan-awon kon unsa ang ipakita ni Young JV sa teleseryeng Nathaniel. For sure, dili siya magpakita sa iyang dila nga nga magdiwalwal nga daw gabarina, unsay tan-aw mo, Rey Mart Quinle Cose?
Sa laing bahin, condolence sa pamilyang naiwan ni William Reyes nga kauban ko sa Philippine Movie Press Club nga naghupot og katungdanan as PRO.
Napalgang patay si William sa iyang mga kaubanan sa balay sa iyang kwarto diin wala kini mamahaw og sa dihang tingpaniudto na, wa pa gihapon mogawas sa kwarto maong ila na lang kining gipuwersang buksan og nakita ang patayng lawas ni William.
Niadtong Biyernes atol sa among monthly general meeting, nagpa-ice cream pa si William kay birthday niya. That time, medyo garalgal ang iyang tingog kay may ubo kuno siya.
Usa sad si William sa mga iladong movie reporter nga identified kang Nora Aunor .