Rico’s Lechon miseguro sa kalimpiyo, kalami sa litson | SunStar

Rico’s Lechon miseguro sa kalimpiyo, kalami sa litson

Time to read
1 minute
Read so far

Rico’s Lechon miseguro sa kalimpiyo, kalami sa litson

Thursday, August 27, 2015

Rico's Delivery. Pwede na mu-deliver ang Rico’s Lechon. Ang delivery fee mudepende kung asa dapit sa Cebu City ipahatod, matod ni Rico Dionson, ang tag-iya sa Rico’s Lechon. (Alan Tangcawan)

ARON masigurado nga limpyo ang lechon nga kan-on sa ilang kustomers aduna na’y bag-o nga delivery van ang Rico’s lechon nga mo-deli­ver ngadto sa ilang mga kan-anan.

Ang maong delivery van parte kini sa nagpadayon nga branding sa usa sa sikat nga lechon dinhi sa Sugbo.

Matod ni Enrico Dionson, ang tag-iya sa Rico’s, nga mamahimo nga masulod ang 20 ka lechon sa maong van.

Sa pagkakaron sa mga kan-anan usa nila kini gigamit apan kon anaa’y dinaghana’y nga order mamahimo usab kini nila nga gamiton.

Ang maong van nagkantidad kini og dul-an P200,000 diin plano na usab nila nga pun-an kini og tulo o upat.

Diha sa Unit 4 & 5, The Ridges Commercial Complex, Panagdait Rd., Mabolo Cebu City ug sa dan Acacia, Ayala Access Rd., luyo sa Infinity Bar ang mga restaurant sa Rico’s diin asa nila gipangdeliver ilang lechon.

Apan alang sa gusto nga mo-order og lechon susama kaniadto mamahimo gihapon kini ug motor ang gamit aron dali ug init pa nga makaon sa kustomer.

Magdepende usab ang bayad sa delivery sa gilay-on sa nagpadeliver o kon aduna sila’y available nga delivery boy.

Gibutyag usab ni Dionson nga aduna lang sila’y lima ka delivery boy mao nga dili nila ma-akomodar tanan delivery.

Diha sa ilang duha ka restaurant mamahimo nga mo-order og lechon diin nagkantidad kini og P595 ang kilo sa regular lechon ug P640 ang kilo sa spicy nga lechon.

Wala pay plano ang Rico’s nga magdeliver nga kinilo.

Sa dili pa ang Mayo sunod tuig mobalhin na og lutoanan o commissary ang Rico’s diin ubos na usab kini sa international standards.

Apan ra gihapon kini sa Highway 77 sa Talamban, dakbayan sa Sugbo.

Matod ni Dionson nga dili na unya kini masudlan sa publiko ingon man nga sirado kini tungod kay gusto nila nga masubay ang saktong pamaagi sa usa ka commissary o tinubdan sa ilang pruduktong lechon.

Gipatik sa mantalaang SuperBalita Cebu Agosto 28, 2015.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments