GISUGDAN na og bungkal sa Johndorf Ventures Corp. (JVC) ang yuta alang sa Portville Prime, ang ikatulo niining subdivision nga nagdala sa malampusong ngalan niini alang sa economic to mid-range housing, diha sa may Mactan Airport Road sa amihanang bahin sa Dakbayan sa Lapu-Lapu.
Nahimutang sa sidlakang bahin ug tupad ra sa nag-una nga Portville Mactan nga gitung-an sa Bankal ug Buaya, tukuron ang Portville Prime sa 1.5-ektarya nga luna nga may 206 unya nga dos-andana nga mga townhouse ang mobarug.
Mipuhunan ang kompaniya og P200 milyones alang niining proyekto, nga nalakip sa P2 bilyones nga capital outlay sulod sa lima ka tuig nga gisugdan pagka 2013, matod ni JVC CEO Richard Lim.
“Nakapadasig nato ang nagsunodsunod nga kalampusan sa atong mga bag-o pa lang nga mga proyekto nga ilusad na karon ang Portville Prime soon,” padayag ni Lim, uban sa pagdugang nga “di namo lung-an sa pagtanyag ang merkado og mas maayong kapili’an alang sa pamuyo sulod sa komunidad nga may kaseguruhan.”
Sama sa nasinati sa Portville Mactan duha n aka tuig ang milabay ug sa Portville Davao, ang ikaduha sa miaging tuig, “gilauman nato ang mahalin na sab ang Portville sama sa mga hotcake sulod lang a tulo ka bulan, o’ menos pa,” mipahayag si Michele D. Chiu - Bacungan, JVC sales and marketing manager.
Napahigayon ang groundbreaking likod sa nagsunodsunod nga malampusong kaugmaran ug pagpamaligya sa Astana ug Navona, nagkasikbit nga mga subdivision sa Johndorf Communities sa Calawisan sa habagatang Mactan.
Masuta unya sa pinakabag’ong proyekto ang tatak Portville nga dekalidad sa maabot nga kantidad nga mauyonan sa mapili’ong merkado bisan sa gitanyag nga susamang proyekto sa ubang tig-ugmad.
Mas luag unya ang pamuyo sa Portville Prime kon itandi sa nag-unang kasikbit niini, matod ni Bacungan.
“Nakadani kini sa mga magpapatigayon ug mga propesyonal, batan-ong mga entrepreneur ug pipila ka mga langyaw nga pilian sa puy-anan unya nila,” siya mipahayag.
Gamiton unya niini ang talagsaong teknolohiya nga naugmad sa kompanya sa 25 na ka tuig niining kasinatian sa pagpanukod og mga puloy-anan, gikan sa makab-ot ra sa kadaghanan ngadto na sa mga mahalon sa amihanang Mindanao ug sa Sugbo.
Bisitaha ang Johndorf sa ika-14 andana sa Ayala Life - FGU Center atbang sa Terraces sa Ayala Center Cebu, matawag sa 266-6190 alang sa kasayoran.
Mahimong mobisita sa proyekto sa Facebook lakip sa www.johndorfventures.com.ph. (PR)