Ciar: Jude Gitamondoc ug Roy Ucat, hitmakers sa Hahaha-hasula

UNSAY mahitabo kon ang henyo sa musika ug henyo sa mga Hugot nga Bisaya mag-usa sa ilang talento? Mao ni nga dunay pagsulbong karon sa Bisaya pop, sama sa sikat kaayong “Hahaha-Hasula” ug “Ang Akong Heart” nga bisan sa mga batang jeepney rapper `in’ kaayo. Ang Hasula gikanta sad sa “I Love OPM” nga gi-host ni Anne Curtis sa ABS-CBN. Ang nakaparat hasta mga pulitiko nisakay sa popularidad sa “Hasula” nga wala gani mananghid. Basig wala sila kaila sa mga kompositor? Aw, di na mistel pangitaon kay nia ra sila sa inyong atubangan andam og tagana sa atong mga pangutana. Jude Gitamondoc ug Rowell “Roy” Ucat, Ssssuper Ka!

Unsa nay tubag sa mga pulitiko nga nigamit sa inyong kanta?

JUDE: Okay na tong sa Davao City. Actually, silay unang ni-contact dayon namo. Then si Renato Osmena, Jr. ok na pud mi. Si Rolando Patalinjug na lang ug usa sa Cagayan De Oro ang wala pa motubag. Pero amo nang gi-turn over ang evidence sa Filscap ug sa akong publisher, ang Music R Us sa Manila. Sila nay motrabaho ana `cuz we don’t want this to be a personal attack especially kon magkinihaay na. Maorag ang impression sa mga tawo bitaw wala kunoy balaod. Filscap is a law-mandated organization that’s why it’s there to enforce that copyright law and hopefully my case will serve as an example.

Pero wa man kuno nila angkona ang kanta?

JUDE: No politician was given the license to use the song for political campaign purposes. If the candidates want to use hit songs for their campaign jingles, obtain permission and pay the artist royalties first. All my songs are under Music R Us that gives license to use the original material. Kon usbon ang lyrics sa among kanta sila say mogukod. While ang Filscap (Filipino Society of Composers, Authors and Publishers) is for public performance, like kon gigamit ang kanta sa restaurant, sa usa ka show or gigamit sa political ads.

Pila say penalty ana?

JUDE: Wa sad ko kahibawo. Ang Filscap nay kahibawo ana. Dili sad ko mo-pre empt kay basin masayup. (Ang Filscap president, Noel Cabangon sa interbyu sa kaulohan nagkanayon nga ang kandidato nga dili motahod sa Intellectual Property Code sa Pilipinas dunay penalty of nine years in prison ug multa nga P1.5 million.)

Dugay na mong kaila ni Roy?

JUDE: Nagkaila ra mi sa Facebook. Nagpabaga ra kog nawong, ako siyang gi-message tungod sa iyang meme. Pero sige nakog like sa iyang mga meme before pa. Pag-abot ato nga meme “hala kanta man gyud ni o,” mao to ni-message ko niya.

ROY: Ang iyang gipasabot kadtong sa chorus line sa Hasula nga “Di ta uyab pero magselos ko ayaw pagbuot.”

Kanang “hahaha-katawa, hahaha-hasula” diin na gikan?

JUDE: Ako nang idea, kay pirme man ko kabasa ana nga hashtag sa Twitter. Pero 70 percent sa lyrics siya gyuy naghimo, 100 per cent sa music maoy akoa.

ROY: Nag-chat ra mi pagsuwat namo anang kantaha kay tua pa man ko ato sa Singapore nag-work as restaurant manager for three years.

Pila sad ka adlaw ninyo gi-composed ang Hasula?

ROY: I think mga one week. Sige ra mi’g chat og mga hugot. Sige ra mig pangatawa.

JUDE: Ako siyang gihimoan og melody overnight. Pero naabtan pa og tulo ka buwan una nako na-produce kay ako pa untang i-arrange. Pagkadungog nako sa acoustic version ni Kurt Fick kay iya man ning gikanta sa Monastery (kanhi The Outpost), aw nindot na man diay. Mao to naka-decide ko, this is the right thing to do.

Asa man sad gikan imong hugot lines?

ROY: Tanan, sa Twitter, Facebook, sa mga amiga… magka-konek-konek na lang, naa sad gamay based on personal experience sa akong ex. Usahay maka-1.6 million likes ko, 1.9 million views. Na-featured na sad ko sa Jessica Sojo.

“Alyas Maldito” lagi imong account name sa Facebook?

ROY: Sa Twitter na nagsugod para kahibawo sila ang mga mag-post sa Twitter mga maldito gyud aron dili na sila moreklamo ba. Pero medyo maldito lang kay usahay sweet man ko, usahay cheesy mao nga medyo ra.

Naa mo’y follow-up song after Hasula?

JUDE: Naa mi gihimo, “Pero Atik Ra” ang taytul. Unsay chorus gani ato?

ROY: “Dinhi ra ko taman, di na ko mogukod sa tawong kusog modagan, kay kon di gyud, wa na ta’y pugsanay, ayna kog atika pero atik lang.”

Sa imong mga meme, unsay pinakapaborito nimo?

ROY: “Kon subject pa ning gugma bagsak na ko, pero di ko mauwaw kay bisan og bogo ko sa gugma, dili ko mag-cheat.”

JUDE: Pero atik ra. (laughs…) Actually, series of four Cebuano songs ang among i-release apil na to among unang kanta nga “Ang Akong Heart” (co-written by Ronald Ensalada) ug ang bag-o namong komposisyon, ang “Puhon.” This will be compiled in one album that we’re going to release soon.

Gawas sa paghimo og kanta, unsay inyong gikabisehan?

ROY: Naa ko sa online marketing and endorser ko sa Island Souvenir ug sa Air You Go. Karong May 15, kami ni Tom Rodriguez duna mi event sa Ayala Terraces sa Air You Go.

JUDE: Nag-teach kog summer classes for songwriting. I’m also into musical play (musical director sa Gugmang Giatay) ug ang VisPop, where I’m one of the co-founders.

Unsay kurso ninyo pag college?

ROY: I’m a Business Administration graduate sa Bukidnon State University kay taga-Malaybalay, Bukidnon man gyud mi.

JUDE: Nag-high school ko sa Don Bosco Seminary sa Lawaan kay magpari man unta ko at a certain point in my life (laughs). Then ni-eskwela ko og two years Education sa Don Bosco sa Laguna. Then I took up music in UP-Dilliman. Surigao del Sur gyud among kagikan nibalhin kog Cebu grade 3 lang ko.

Unsay imong mga OPM composition?

JUDE: Nakahimo kog album ni Gary Valenciano. Mao to’y big break nako sa OPM. Naa koy five songs sa iyang Relevance album. Naa sad koy kanta kang Regine Velasquez, kadtong album niya for her son, Nathaniel ang title sa song. I have also songs for Jed Madela (finalist sa Himig Handog 2014), KC Concepcion (Imposible), Erik Santos, and Juris. Nidaug ko sa Cebu Pop in 2007 both the grand prize (Pasayloa) and the second prize (Bisan Pa) at that same year.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph