ANG summer gihuwat sa matag tawo. Basta summer ang hisgutan, beach dayon ang naa sa hunahuna sa mga babaye. Swimsuit, bikini ug nagkalain-laing accessories dayon ang iandam. Apan ang cover-ups ready na ba kaha? Ayaw kabalaka kay adunay 6 tips aron mas fashionable ang get-up nimo sa beach.
Sarong
Ayaw kalimti ang sarong matag bisita sa beach. Ang sarong ang labing epektibong cover-ups nga adunay nagkalainlaing pamaagi aron magamit. Pwede kining gamitong pang cover sa lower part o bisan himuong fashionable dress.
Blouse
Mao kini ang permanenteng makita sa imong cabinet. Pero ayaw ni sayonsayuna kay ang blouse gikinahanglan nga outfit sa beach. Gamita ang open-blouse aron itabon sa bikini o swimsuit. Simple lang apan stylish na!
Sundress
Usa ka dual-duty cloth nga pwede mahimong cover-up o senina alang sa night out. Mas mohaom kini kon paresan og long-brimmed hat ug beads-accesories.
High-waisted shorts
Oppps! Ready na ka sa beach apan nagkaproblema ang lawas tungod sa sigeg kaon? Ayaw kabalaka kay perfect ang high-waisted denim cover-up aron matabunan ang tiyan alang sa perfect coverage.
Palazzo pants
Rock the beach gamit ang wide-leg pants nga adunay slim-looking advantage. Labing haom ang palazzo pants sa bikini tops aron makita ang makurting hawak sa mga babaye.
Boyfriend shirt
Alang sa adunay aktibong love-life, ang shirt sa gihigugma ang usa sa labing nindot nga paagi aron matabunan ang bikini outfits. Mas stylish kon gamiton nimo ang button-up shirt sa boyfriend kon gusto nimo nga e-butones o pasagdaan nga maabli. Hannah Mae Pinatil, CNU Comm Intern