ADUNAY mga pagtan-aw kabahin sa mga computer programmer “geeks” ug “nerds.” Dunay pagtuo nga sila di moapil og mga kalihukan sa gawas tungod kay sila maulaw makig-atubang og mga tawo. Tinuod nga talagsaon lamang kini silang makit-an sa mga gym ug mga party.
Nindot silang ikauban, o ika-date. Mao kini ang mga rason:
1. Siya mopagana sa imong pangutok.
Ang paghimo og computer software usa ka komplikado nga paningkamot, nga nagkinahanglan sa abilidad nga moutingkay og mga pangagpas nga ideya. Ang iyang propesyon maoy mohagit sa iyang panghuna huna, ug baylo niini siya mohagit pod sa imoha.
2. Siya mosulbad og problema
Ang pagsulbad og mga problema di lang usa ka abilidad apan usa ka “mind-set”. Siya motinguha nga di magpabilin sa maong sitwasyon apan siya magpalambo sa kinabuhi. Kon kamo mag-atubang og problema sa inyong relasyon, siya maoy unang mohatag og solusyon.
3. Siya makatarunganon
Isip tingsulbad sa problema, siya usab usa ka makatarunganon nga tawo. Wa kay atubangon nga selos sa mga gagmay nga butang, o di nimo siya kanunay pagahinumduman sa mga butang sama sa “siya usa ka amigo lamang”.
4. Siya adunay taas nga pasensya
Ang lalake nga adunay determinasyon sa pagsulbad sa mga coding issues ug wala mawagtangi og paglaum sa kinabuhi kay siya usa ka lalake nga may taas nga pasensya.
5. Siya mosalig kanimo
Uban sa pasensya mao ang pagsalig. Walay lalake nga mogahin og oras sa mga butang nga siya di mabination ug ingon man di andam sa pagbuhat o ang pasensya sa paghuwat.
6. Siya mohimo ug kinamaayuhan nga regalo
Sa anniversary o birthday, ikaw kasagaran makadawat og mga buwak, mga tsokolate, dagko nga mga teddy bear, o mga ganahan nimong mga butang. Apan unsa nalang kon ikaw mahatagan og imong kaugalingon computer o mobile app?
7. Ikaw aduna nay kaugalingong IT Guy
Kon ikaw magkaproblema sa imong laptop o computer, di kana kinahanglan pang modangop sa usa ka computer help desk ug di ka na ma problema kon kinsay moayo sa imong personal computer kon ikaw aduna nay kaugalingong IT guy. (www.sg.yahoo.com/Shtefany T. Torres ug Genevieve A. Quibedo, CNU Comm Interns)