Super Suroy: Happy Mong, labing dako nga indoor park sa Cebu

NANGITA ba mo og kalingawan nga pwede sa mga bagets? Bisitaha ang Happy Mongs Kids Park nga anaa nahimutang sa Bridges Town Center, Barangay Alang-alang, Mandaue City.

Ang Happy Mongs Kids Park giablihan sa publiko niadtong Agusto 2014 ug gipanag-iya ni Kim Chang Sik. Siya usab ang tag-iya sa Cebu HappyWorld Museum nga anaa sa lungsod sa Cordova.

Ang indoor park adunay gilapdon nga 1800 metro kwadrado busa giila kining labing dako nga indoor park sa Cebu. Giila usab kini isip Best of Cebu niadtong miaging tuig sa strong>Sun.Star Cebu.

Mamahimong makasud ang mga bata nga nagpangedaron og tres nagdto sa 15 sa park. Naa silay bag-ong promo nga gihimo nga sa kantidad nga P190 mamahimo nang malingaw ang mga bata sa park sud sa duha ka oras.

Nagtanyag sab silag lainlaing promo nga mausab matag buwan aron maenganyo ang mga kustumer nga mobalik. Aduna sab silay unlimited play sa kantidad nga P600.

Dako-dako ang presyo apan sulit kini kay pagsud palang nimo sa kid’s park mosugat dayun kanimo ang usa ka higante nga teddy bear.

Ang mga ekipo nga gipanggamit sa indoor park gigama gikan sa Korea. Aduna silay inflatable giant ship slide nga pwedeng ma-enjoy sa mga bata. Ma-enjoy usab ang giant trampolines, mini-train ug threater.

Aduna sab silay gitanyag nga hi-tech digital unique oil painting. Makita sab ang ma­mug­naong abilidad sa mga bata sa Kids Block Area diin mamahimo silang mobuhat og building ug uban pang gusto nilang gamaon gamit ang lego blocks.

“Our President is really into kids so he decided to make an indoor activity for the family specially their kids. He also help those indigenous children experience the park,” matod Jong Soo Kim, director sa HappyWorld Inc.

May plano sila nga mopa­lapad aron mas malingaw ug makasinati og talagsaong kali­pay ang mga bisita kuyog ilang tagsa-tagsa ka pa­milya sa Hap­py Mongs Kids Park pinaagi sa pagtukod og waterpark sa Sugbo.

Abli ang indoor park sugod alas 10:00 sa buntag kutob alas 8:00 sa gabii. Sud sa park adunay nga nagtanyag og Korean food ug snacks.

Nagtanyag silag workshops sa dancing, ballet, music, ug taekwando alang sa mga bata.

Mo-cater usab sila og mga birthday party sud sa ilang party hall. Mamahimo kang mopili sa upat ka klase nga mascot nga molingaw sa mga bata.

Sa ganahan moadto, ma­ma­himong manukad gikan sa Parkmall ug didto mosakay og jeep paingon sa Marcelo Fernan Bridge diin moagi ang jeep nga padung Soong, MEPZ, ug Opon. Ma. Sharah Auxtero ug Kimberly Macarat, CNU - Comm Intern

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph