MANILA – Base sa nakita nako nga video gikulata sa indie actor nga si Kiko Matos si Baron Geisler sud sa usa ka bar ug nahunong lang ang lamok-lamok sa dihang giuwang ang duha.
Makita nga isog kaayo si Kiko ug bisan nga gipalayo na si Kiko kang Baron, nagpangusmo pa kini ug gusto pang birahan pag-usab si Baron.
Si Baron wa makabalos ug daw naalimpungatan sa nahitabo.
Adunay miingon nga si Kiko ra diay ang katapat ni Baron, but again, basin og eksena na naman kini sa usa ka indie movie.
Di ba, yung pagwawala ni Baron sa usa ka student-director giingong scripted lang kuno kadto, pero sa tan-aw ko dili jud scripted o dili eksena sa pelikula ang nahitabo tali ni Baron og Kiko.
Basin og na-provoked jud ni Baron si Kiko nga ilado nga hilomon ug respetadong indie actor.
Well, pangutan-on ko ang manager ni Kiko nga si Mel Navarro kung realistic ba ang maong video o eksena lang sa usa ka indie movie. Paabuta ninyo ha…
***
Gikinahanglan kunong putlon ni Kris Aquino ang iyang workation (work at the same time vacation) sa Hawaii tungod kay may duha ka TV show nga offer kaniya.
Pipila pa lang ka semana si Kris kauban ang iyang duha ka anak sa Hawaii diin personal niyang giasikaso ang iyang gipatukod nga balay pero parang na-bore na siya ug sa dihang nakaabot kaniya ang duha ka offer, na-excite jud si Kris.
Probably sa Channel 2 naggikan ang maong offer so sa ABS-CBN pa gihapon siya makita, but wait, may naka-poste na sa KrisTV timeslot ug di naman puwedeng basta sipaon na lang niya sila si Melai, Jolina ug Karla sa programang “Magandang Buhay.”
Feeling ko, usa ka magazine show ang offer kang Kris samtang ang ikaduhang offer, basin og showbiz-oriented talk show nga parang ‘The Buzz’.
Sa tinuod lang feeling ko may kulang sa programming sa Dos ug gikinahanglang ibalik nila kini ug way laing modala niini kundi si Kris Aquino.
Kon i-partner niya si Boy Abunda the better pero kung may ubang i-partner kaniya, okey na rin.