SA ikapito nga tuig, ang Hugs, grupong nagsuporta sa mga ginikanan nga nagbangutan, mopahigayon og usa ka candle lighting karong Dominggo.
Ang kalihukan nga pagasugdan sa us aka rehistrasyon sa alas 5 sa hapon, ipahigayon sa Senior Citizens Park likod sa Cebu City Hall.
Ang mga ginikanan uban sa pamilya nga mosalmot sa kalihukan giawhag sa pagsul-ob og puti nga senina.
Mas labing maayo nga magdala og hulagway sa anak nga namatay kay gamiton kini sa pagdagkot unya sa mga kandila.
Kini nga kalihukan dungan usab sa samang mga kalihukan sa ubang bahin sa kalibutan nga gitawag og Worldwide Candle Lighting nga pahinungod sa mga bata nga nangamatay sa nagkadaiyang mga sirkumstanya.
Sa Pilipinas, gipahigayon lang kini dinhi sa dakbayan sa Sugbo ug Manila.
Ang Hugs nagsugod sa pag-apil niini sugod niadtong 2010.
Ang kalihukan way bayad niadtong mga mosalmot.
Alang sa mga pangutana, I text ang numero 09235768491. (PR)