NAHIMONG mas importante ang international airport sa Cebu human sa kahuot na sa trapiko sa mga abyon sa international sa Manila.
Ang Mactan Cebu Internaitonal Aiport (MCIA) nahimong natural ug praktikal nga hub sa mga kompaniya sa abyon.
Mao kini ang pamahayag ni Philippines AirAsia chief executive officer (CEO) Captian Dexter Commendador atol sa paglusad sa ilang bag-ong rota sugod ning summer gikan sa Sugbo lakip sa paglusad sa promotional fare sa press conference sa Circa II Restuarant, Lahug, siyudad sa Sugbo niadtong Marso 6.
Ang bag-ong rota mokonekta sa Sugbo ngadto sa Davao, Palawan ug Boracay pinaagi sa Caticlan sugod sa Abril 22.
Mas lingaw ang inyong sumer sa pagpili sa destinasyon tungod sa ubos kaayong promotional fare nga P398 lang nga mapalit na sugod karon sulod lang sa semana.
Ang travel time mahimo nga sulod sa Abril 22 ngadto sa Agusto 31, 2017.
Gikan sa Sugbo ngadto sa Boracay ug Palawan, ang AirAsia dunay usa ka biyahe matag adlaw. Sa Davao, kaduha sa usa ka adlaw.
Niadtong Nobiyembre sa miaging tuig, ang AirAisa nilusad sa Cebu-Singapore ug Tiapei ug gidugangan ang Cebu-Kuala Lumpur gikan sa tulo ngadto sa upat ka higayon sa semana.
Kabahin kini sa saad sa kompanoya sa pagpalambo sa turismo sa habagatan sa nasod ug ang Sugbo dunay importanteng papel niini.
Alang sa inyong mas lingaw nga bakasyon sa summer, alakw sa labing duol nga sangang buhatan sa AirAsia o bisita sa iang website.