Environmentalists sa book launching ni Tony Oposa | SunStar

Environmentalists sa book launching ni Tony Oposa

Time to read
less than
1 minute
Read so far

Environmentalists sa book launching ni Tony Oposa

Monday, March 20, 2017

NAHIMONG panagta­pok sa environmental activists ug mga opisyal ang paglusad sa libro ni Mlbn. Antonio A. Oposa, Jr. nga 'Shooting Stars and Dan­cing Fish' niadtong Biyer­nes sa hapon sa Casino Español, dakbayan sa Sugbo.

Si Oposa, inilang aktibista sa kalikupan ug nanguna sa pagpanalipod sa kadagatan sa Kabisay-an isip kabahin sa pipila na lang ka dapit sa kalibotan nga nagpabilin ang kaabunda sa bahandi sa kinaiyahan, malipayon nga nakab­-ot sa paglusad ang iyang ikaduhang libro bahin sa iyang kasinatian sa pagkabana sa gasa sa kahitas-an.

Gibutyag ni Oposa nga siya dunay delikado nga kondis­yon sa panglawas ug nipaambit nga naningkamot nga padayong makahuluganon ang iyang kinabuhi.

Ang libro, gisuwat sa m­a­sabtan sa tanan nga pu­long, mga sugilanon, mga balak mga gumalaysay ug pagtuki sa mga isyu nga dunay kalam­bigitan sa kadagatan labi na sa amihanan sa Sugbo.

Si Dominic B. Chua, Chief Operating Officer sa Ramon Aboitiz Foundation, Inc. (RAFI), nidayeg sa walay kupas nga pagkabana ni Oposa hinungdan nga wala magmakuli ang RAFI sa pagsuporta sa kawsa sa manlalan lakip sa iyang libro nga 'Shooting Star and Dancing Fish isip publisher.

Usa sa mga inilang dinapit nga si kanhi Chief Justice Hilario Davide, Jr. niingon nga nasulod sa top 5 sa iyang nabasa nga libro sukad niadtong hangtod sa iyang pangidaron nga 81-anyos sa pagkakaron.

Ang naasoy nga libro makuha sa RAFI Office sa Lopez Jaena St., Cebu City.

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments