MOKABAT 140 ka mga magtutudlo sa high school sa San Remigio, Cebu nipailawom sa tulo-ka-adlaw nga seminar-workshop kabahin sa paglambo sa kaugalingon sa Ramon Aboitiz Foundation Inc.-Kool Adventure Camp sa Cansomoroy, Balamban, Cebu niadtong Abril 17 hangtud 27, 2017.
Gibahin sila sa tulo ka batch sa ilang pagsalmot sa seminar-workshop nga gipahigayon aron pagtabang kanila unsaon pagkab-ot sa usa ka paglambo nga mentalidad ug ang esensiya sa pag-apil aron modaug, pag-ila sa ilang mga katakos ug mga bahin nga mahimo pang palambuon, ug sa paghimo og plano sa paglambo nga ilang sundon aron sila motubo sa ilang papel isip magtutudlo.
“Isip kauban sa Department of Education (DepEd) sa pagbansay ug kalamboan, papel sa KAC ang pagpaila kanila og pagkuyog kanila sa ilang paningkamot aron makab-ot ang mas taas pa nga mentalidad og kabuot, nga gitumong aron mapagawas ang ilang kahanas isip magtutudlo, pinaagi sa adventure education,” pulong ni Richard de los Reyes, KAC facilitator ug cooordinator alang sa DepEd, San Remigio, Cebu. PR