MAPASIGARBUHON ang Naga National High School Batch 1999 sa dakbayan sa Naga nga mopahigayon og BalikEskwela Program karong Hunyo 3.
Ikaduhang tuig na kini nga gibuhat aron makatabang sa mga ginikanan nga maibanan gamay ang ilang galastuhon sa pagpamalit og gamit para sa eskwela sa ilang mga anak.
Ang makadawat og ‘school kits’ mao ang mga estudyante sa Mayana Elementary ug High School.
Dul-an sa 400 ka mga estudyante ang palarang makadawat gikan sa kinder hangtod sa high school.
Ang nangulo sa pag-organisar maong kalihukan mao si Ma. Janice dela Cerna-Servado uban sa tanang NNHS Batch 1999.
Katimbayayong ang mga maestra ug maestro sa Mayana School pinaagi nila ni dela Cerna ug Jasmin B. Repollo nga gipangulohan sa ilang principal nga si Ms. Sharon Rose F. Rosales.
Mapasalamaton ang NNHS Batch 1999 sa tanan. PR