Balak: Adto na ako | SunStar

Balak: Adto na ako

Time to read
less than
1 minute
Read so far

Balak: Adto na ako

Saturday, June 17, 2017

Prescil I. Canete
Cordova, Cebu

Mikuyanap na sa kalikupan
Adto na ako bisan nagpanghawid pa
Ang mga kamot ko sa kawili kanimo.
Talikdan ko na lang sa dayon kining
Lapyahan nga maoy saksi sa akong
Mga adlaw – sa kalipay ug kasakit –
Uban kanimo kay imo na man akong
Gihinginlan.

Apan baya ang akong pagbiya
Pagbuot sa Kahitas-an kay kinaiya
Sa Kinaiyahan nga ang tahas ko
May kinutoban, Sama sa pag-abot mo
Gihangop ka sa tumang pagmaya
Daw ang manulundang gikan sa langit.
Taas pa kaayo ang panaw nga imong
Padulngan, way kalainan sa gitas-on
Sa akong panaw nga moligid mokaliring
Daw panalang antugon nga way nasayod
Kon unsay barahan sa imong kapalaran.

Gipatik sa mantalaang Superbalita Cebu Hunyo 18, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments