Bisan unsa kasikat, naa gyuy problema | SunStar

Bisan unsa kasikat, naa gyuy problema

Time to read
1 minute
Read so far

Bisan unsa kasikat, naa gyuy problema

Saturday, June 17, 2017

GRABE ang megastar Sharon Cuneta kon makahilak nga-ab gyud ug kon mokatawa bahakhak sab gyud og maayo.

Siya ang makapamatood nato nga maski sikat nga artista naa say problema personal man o financial.

Gawas sa umaabot niyang pelikula sa Star Cinema diin makauban niya ug balik ang ex niyang si Gabby Concepcion, busy kini karon sa iyang US concert tour, diin iyang makauban silang Ian Veneracion ug si Ai-ai delas Alas ug mga anak-anakan sa "The Voice kids".

May lain pa kining pelikula nga hapit na nato makita sa Cinemalaya "Ang pamilyang hindi lumuluha", isip desperadang babaye nga gustong mahibalik kaniya ang iyang bana ug duha ka anak, sa direksyon ni Mes de Guzman, ay'g saba!

Padayong gidugokan karon ang "Can we still be friends?" sa direksyon ni Prime Cruz ug gibidahan sa ikaduhang higayon nilang Gerald Anderson ug Arci Muñoz.

Human sa "I can do that" bisan wala malakip sa finals ang Arci malipayon kini sa mga nabuhat ug napakita niya sa maong programa.

Sa isyu sa lovelife, matod ni Arci nga walay balikan nga nahitabo nila sa iyang ex ug naka move on na siya.

Bahin kang Daniel Matsunaga managhigala lang gyud sila ug way romantic envolvement. Ang tinood may non-showbiz businessman nga na-link sa guapa karon ug malipayong giangkon ni Arci nga exclusive dating sila. ay'g saba!

Sa laing bahin, ang iyang kaubang "i candidate" nga si Cristine Reyes dugay diay nakaangkon sa iyang kaugalingon nga ikaduha ra siya ni Wacky Kiray, ang nahimong ultimate winner sa maong programa.

Bilib sab ko ni Cristine kay giangkon gyud niya ang iyang pagkadismaya sa kapildehan. Hinoon bisag ako naman pod ang naa sa lugar ni Cristine magool gyud nga mapilde sa kumpetisyon.

Ato usab nga nakita nga gibuhat tanan ni Cristine para lang magmalampuson sukad sa sinugdanan bow ko sa talento ug performance niya. Saludo mi nimo, Cristine. Ay'g saba!

Gipatik sa mantalaang Superbalita Cebu Hunyo 18, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments