Super Blowout: Reunion de Flores | SunStar

Super Blowout: Reunion de Flores

Time to read
1 minute
Read so far

Super Blowout: Reunion de Flores

Saturday, June 17, 2017

Nagkatapok. Sa unang higayon, nagkapundok ang anak ug mga apo nila ni Quentin ug Leoncia Flores niadtong Hunyo 11, 2017. Ang ikaduhang hene­rasyon sa mga Flores ang nagpasiugda sa reunion aron magkailhanay ang mga kabanay nga wala magkahimamatay. (hulagway gikan sa Facebook ni Julie Flores)

ANG pamilya ang naggabay, nagtudlo og maayo nga pa­matasan, naghatag og kadasig ug inspirasyon sa kinabuhi, andam mopasaylo sa mga kasaypanan sa isig ka miyembro ug labaw sa tanan nagmahal nga way bawos.

Sa ka busy ug kapaspas sa panahon karon, usahay dili na magkitaay ang mga miyembro sa pamilya, dinhi makita ang kabililhon sa reunion o panagtapok sa mga kabanay human sa taas nga katuigan.

Sa unang higayon, ang anak ug mga apo nila ni Quentin ug Leoncia Flores, nagkapundok sa Patupat Covered Court niadtong Hunyo 11, 2017 uban sa tema, “Bridging Families and Friends.”

Sa usa ka adlaw nga kalihokan, nagsawo sila sa pag­ka­on, nangatawa, nalingaw ug nagkahiusa alang sa usa ka tu­mong, ang pagpalig-on sa ma­ayong re­lasyon sa banay nga Flores.

Si Barili Councilor Julie Flo­res niingon nagpasiugda sila og family reunion aron magkailhanay ang ilang mga kabanay.

Moabot sa 233 ka mga miyembro sa banayng Flores ang ni­­tambong sa reunion, mas daghan sa gilaoman nga 100 ka tawo.

Moabot sa 10 ang mga anak nila ni Quentin ug Leoncia nga naglakip nila ni Rosalio, Lourdes, Filomena, Beatriz, Godofredo, Carmen, Josefina, Jose, Angel ug Celedonia.

Sa okasyon, napili si Flores isip presidente; Lou Abellana, bise presidente; Cathy Candilada, secretary; Mila Banaag, treasu­rer; ug Marian Eucaliga, auditor.

Gipatik sa mantalaang Superbalita Cebu Hunyo 18, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments