Talk to Papa Joe: Confused girl | SunStar

Talk to Papa Joe: Confused girl

Time to read
1 minute
Read so far

Talk to Papa Joe: Confused girl

Sunday, June 18, 2017

Dear Papa Joe,

Tawga lang ko sa ngalan nga Ritchel, 24 years old ug dalaga nga taga Bohol. Ang,akong suliran kay bahin sa akong love life. Buwag ko sa akong uyab, mga one year na pero ganahan pa gyud ko nga magkabalik mi.

Then naay usa ka guy nga friend nako na bisan naa koy uyab sa una nagparamadam ni siya nga nakagusto siya nako. Pagkahibawo niya nga nagbuwag mi sa akong uyab, grabe kaayo ang iyang effort. Sweet kaayo siya. Apan bisan pa sa iyang gibuhat, wa gyud koy plano na sugton siya pero grabe siya ka sweet nga sigurado gyud nga maganahan ang usa ka babaye sa iyang treatment. Hangtud nga nalukmay ko ug nasugot nako siya. Nindot ang among relasyon for pila ka weeks. Pero dihang nasayud ang akong ex sa among relasyon, nanguyab siya og balik nako. Nagbalik mi ug matud pa niya nahigugma gyud siya nako. Nag-sorry siya nako. Mao ni ang akong problema karon kay naglibog ko. Angkunon ko nga lisud papason ang akong gugma sa akong ex nga nabalik na nako ron.

Please tambagi ko.

RITCHEL

Ritchel,

Tinuod nga lisod papason ang imong gugma sa imong ex. Pero ang pangutana ana kon nganong karon pa man siya nisulti niana, di ba? Hunahunaa, Day, kon sakto ba sad nang iyahang gibuhat kanimo kaniadto ug karon nga nakigbalik siya nga duna ka nay laing uyab.

Tan-awa ang imong bag o ron, sa iyang paningkamot nga maghuwat nimo sa saktong panahon, nag effort. Di ba worth it?

Sa panahon nga nagmasulob-on ka, di ba naay gihayag sa imoha nga mag effort. Basin gusto lang gyud sa kahigayunan nga makat-on ta sa atong pagbati nga di ikadaut kanato ug i-acknowledge ang tawo nga naa kanunay nato in times sa kalisud. Pero kung tan aw nimo deserving sa siya og second chance, aw, naa ra gyud na nimo kay ikaw maoy kapitan sa i­­­mong kaugalingong barko. Dag­hang salamat.

Papa Joe

(sa inyong tampo ipadala lang sa papajoesuperb@gmail.com)

Gipatik sa mantalaang Superbalita Cebu Hunyo 19, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments