Direk Paul Soriano gikulbaan sa pelikulang “Siargao” | SunStar

Direk Paul Soriano gikulbaan sa pelikulang “Siargao”

Time to read
1 minute
Read so far

Direk Paul Soriano gikulbaan sa pelikulang “Siargao”

Saturday, August 12, 2017

MALIPAYON ug medyo may kulba si Paul Soriano sa pagdirek sa iyang unang romantic-drama nga pelikulang "Siargao".

Excited siya nga makatrabaho ang tibook cast sa maong pelikula, labi na kang Jericho Rosales. Apan na-appreciate niya ang aktor sa enthusiasm nga gipakita ini hangtud sa pagsuwat ug sa production.

Si Erich Gonzales usab ang nihatag nila sa nice, youthful ug positive attitude sa maong movie. Samtang ihatag ni Jasmine Curtis Smith ang tanan niyang abilidad para monindot ang pelikula.

Nagkauban na niadto sa "Transit" silang Jasmine ug direk Paul. Ang gusto nilang ipakita karon sa pelikula nga bisan unsa ka-simple sa kinabuhi duna gihapoy nagpaabot nga kalipay.

Sa titulo pa lang "Siargao" mao nga ang location sa ilang shooting didto gyud mismo sa Siargao ug gipakita dinhi unsa kanindot ang maong isla ug isip tourist destination.

Daghan pang mga lugar ug dapit sa Siargao ang ipakita nga ika-amazed ninyo.

Gawas nga ma-showcase dinhi ang pristine beauty sa isla mo-touch usab ang istorya sa atong kultura, ay'g saba!

Ang pelikulang "Nabubulok" usa ka crime ug investigative film ang usa sa 10 ka mga finalists sa 2017 Cinemalaya film fest karong buwan sa Agosto ug ipagawas na sa mga sinehan sugod karong semanaha.

Ang mga bida dinhi silang Gina Alajar, Billy Ray Gallion, JC Santos ug Jameson Blake ubanan usab nilang Lito Pimentel, Jerom Canlas, Elaine Yu, Sue Prado, Krystal Mejes, Dannah Cardoza, Jojo Riguerra ug uban pa.

"Nabubulok" (the decaying) sinuwat ug sa direksyon ni Sonny Calvento. Ang pelikula nahitabo sa usa sa mga officemate niya sa ABS-CBN.

Gisulat kini niya dayon human mitambong sa workshop sa award winning writer ug filmmaker Armando Bing Lao.

Ang American actor nga si Billy Ray Gallion ang nag-una sa mga lead cast, migawas na kini sa mga tv series sama sa "Lost", "Hawaii five-o" ug "Broklyn nine-nine".

Daghang mga Amerkanong aktor ang mi-audition sa maong role apan diha lang nakita sa direktor kang Billy ang sensiridad. Ay'g saba!

Gipatik sa mantalaang Superbalita Cebu Agosto 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments