Super Blowout: Handurawan sa '87 | SunStar

Super Blowout: Handurawan sa '87

Time to read
less than
1 minute
Read so far

Super Blowout: Handurawan sa '87

Saturday, August 12, 2017

Reunion. Matam-is nga mga pahiyom ang mianinag sa mga panagway sa SWU High School Batch 1987 nga nagkatapok human sa paglabay sa tulo ka dekada. Ilang gibalik lantaw ang dili makalimtan nga mga kasinatian uban sa ilang mga klasmeyt ug mga magtutudlo. (Mga hulagway gikan sa Facebook ni Erwin Lirazan)

SA sayong bahin ning buwan sa Agusto, daw miatras ang katuigan alang sa 21 ka hamtong nga mga nilalang.

Gibalik-lantaw sa grupo ang mga handurawan nga di hikalimtan, ang kasadya nga wala'y sama ug ang matam-is nga mga sugilanon sa kaba­tan-on.

Human sa tulo ka mga dekada, nagkitakita og balik ang Southwestern University (SWU) High School Batch 1987 niadtong Agusto 5 sa Gazebo sa Apple One Banawa.

Daghan man tuod ang wala nakatunga sa giorganisar nga reunion apan gihulagway nga malampuson gihapon ang talagsaong kalihukan.

"At least alegre gihapon ang atong reunion bisan gamay ra ta. Maayo unta sa sunod daghan nang makaapil," matod sa bag-ong napiling presi­dente sa grupo nga si Maribeth Alberca Olvis.

Nagsalo-salo ang grupo sa usa ka panihapon ug nag-uban sa pagkanta-kanta, pagsayaw ug hudyaka.

Ningtambong isip pinasidunggang dinapit sa kalihukan mao ang usa sa mga maestro sa batch nga si Damiano Boiser ug kanhi Citizen Army Training (CAT) commandant Bobby Inoferio.

Ang grupo mapasalamaton sa mga kauban sa batch nga atua na manimuyo sa gawas sa nasod, sa paghatag og pinansyal nga suporta hinungdan nahimo nga malampuson ang kalihokan. (ESL)

Gipatik sa mantalaang Superbalita Cebu Agosto 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments