Pinay midaog sa Miss Teen sa India | SunStar

Pinay midaog sa Miss Teen sa India

Time to read
1 minute
Read so far

Pinay midaog sa Miss Teen sa India

Friday, October 06, 2017

MANILA – Niabot na ang nahimong pambato sa Pilipinas sa Miss Teen Face of Beauty nga gipahigayon last week sa New Delhi, India.

Si Samantha Iris Ricalde kuntento sa resulta kay sa 44 ka mga kandidata, diin siya ang pinaka-bata at 15 years old, siya ang first runner-up.

Gipahigayon ang Victory party ni Sam kagabii sa Maximo Restaurant sa may Katipunan ug for the first time, nahimamat namo ang parents ni Sam. Ang iyang nanay nga si Kathlyn og ang iyang tatay nga miyembro kanhi sa That's Entertainment, si Jones Atienza hangtod karon ambungan pa gihapon.

Before nilupad si Sam sa India, nakoronahan sad siya isip grand winner sa Circle of 10. Naka-kontrata siya karon sa Viva ug may dakong plano kaniya si Boss Vic.

Mag-concentrate una si Samantha sa iyang studies isip tinun-an sa high school ug after 4 or 5 years, anha siya mobalik pagsalmot sa local pageant, ug gusto niya sa Bb. Pilipinas. Magte-train siya sa Kagandahang Flores para mas mabaid ang iyang pag-rampa.

Si Samantha Iris Ricalde apo ni Ovette Ricalde nga ilado isip Mother of all Pageants.

Kever lang

Pila na ka semana ang nilabay gikan sa eskandalo nilang John Lloyd Cruz og Ellen Adarna.

Ug bisan wala na sa kinabuhi ni John Lloyd ang iyang ex nga si Angelica Panganiban, may mga reporter nga sige gihapon og pangulit kang Angelica aron mohatag ni og komento.

Pero never nga nihatag og reaksiyon si Angelica. Basta matod lang niya, samtang naa sa Cebu (sa Bantayan Island) si Ellen ug John Lloyd, siya kuno, nag-nature tripping naman sa Bhutan ug enjoy kuno siya sa mga views sa maong nasud.

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments