Tambagi ko Noy Kulas: Virginity | SunStar

Tambagi ko Noy Kulas: Virginity

Time to read
1 minute
Read so far

Tambagi ko Noy Kulas: Virginity

Friday, October 06, 2017

Dear Noy Kulas,

Maayong adlaw ninyo diha. Dugay na unta ko mosuwat nimo parte aning akong problema pero nagpagana ko kay mauwaw.

Adtong bata pa ko, biktima ko sa pagmolestya sa akong cousin. Kuwang pa ko sa kabuot but enough to remember sa hitabo. Nasakitan gani ko ug nagdugo pero wa ko mosumbong sa akong parents kay nahadlok ko.

Karon ang akong uyab for four years nanghagad na og minyo nako. Motuo ka ba, Noy, nga wa mi anang pre marital bisan sa kadugay na sa among relationship kay pulos mi naa sa simbahan ug nag observe sa celibacy. Kutob ra mi sa kiss.

Akong nahadlokan, Noy, kay basin makaingon siya nga naa na koy experience tungod adtong nahitabo nako. Naa ba kaha toy epekto physically nako no? Mao nay maka bother nako og maayo. Noy, I need your advice.

BERN

Bern,

Sa akong nahibaw-an, ka­nang wound mo-heal ra na sa kadugayan kay samad man na. Pero kon hymen, once ma damage, maorag di na mahiuli. Apan di man gud na sukdanan kon virginity ang hisgutan kay bisan sa activity lang, ma-damage na ingon sa doctor nga akong naestorya parte ana. Nikatawa gani siya dihang nangutana ko about virginity kay backward kuno na nga thinking.

Bitaw, ayaw paghuna-huna anang virginity tungod kay di na maoy essence sa relationship, kon di ang pagminahalay sa usag usa. Naa bitaw magtiayon nga pulos duna na untay tags aka pamilya, apan nagkadayon ug malipayon sa ilang pagpuyo. Sa ato pa, di na guarantee ang virginity nga motunhay ang relasyon bisan tuod kon kini nindot paminawon ug tan awon tu­ngod kay nindot nang itugyan ang pagkababaye sa tawo nga imong ikauban sa altar sa kaminyuon.

Konsulta ug pa check up og ob gyne aron mahiling ka ug duna kay peace of mind. Mas maayo nga doctor ang moingon nimo kay ila nang specialty.

NOY KULAS

(Alang sa imong problema, e-mail sa kulassuper@sunstar.com.ph ug rojval69@yahoo.com)

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments