P15M Veco rewiring sa mga tunghaan | SunStar

P15M Veco rewiring sa mga tunghaan

Time to read
1 minute
Read so far

P15M Veco rewiring sa mga tunghaan

Tuesday, November 14, 2017

ANG Visayan Electric Company (Veco) nikompleto sa P15M public schools rewiring projects sa 2017, dii nakabenepisyo sa 50,000 ka mga tinun-an.

Ang sentro sa Veco’s Corporate Social Responsibility programs isip electric distribution company mao ang pag-upgrading sa lectrical wiring system sa mga tunghaan sulod sa iyang franchise area.

Ning tuiga, ang Veco nipadayon sa paghatag og luwas nga palibot sa mga tinun-an human sa pagkompleto sa 19 rewiring projects.

Ang benepisaryo sa maong rewiring projects naglakip sa uom ka mga tunghaan gikan sa Cebu City division, upat gikan sa Mandaue City division, usa gikan sa Talisay City division, duha gikan sa City of Naga division ug unom gikan sa division sa Cebu Province.

Si Cebu City Schools Division Superintendent Dr. Bianito A. Dagatan nipdayag sa iyang pagpasalamat sa Veco nga nipili sa pagbubo og puhonan sa education-related projects taliwala sa kadaghang sektor nga angay og tabang sa Veco.

Dugang niya nga ang rewiring project sa Veco napuslan og maayo human nakaginot sila sa balayranan uban sa pagbutang og bag-ong bulbs nga minos og kaon sa kuryente.

Si Mandaue City Mayor Luigi Quisumbing, sa iyang bahin, niingon nga ang Veco's rewiring project usa ka noble initiative alang sa mga tunghaan nga mahimong luwas gikan sa risgo sa elektrisidad.

Gitumbok niya ang daghang hitabo niadto nga pagkasunog sa mga tunghaan tungod sa daut ang linya sa kuryente tungod sa kadugayon niini.

“It takes a village to raise children and we cannot do it alone. With this, I thank VECO for the willingness to lend a hand for assuring the safety of the students and teachers,” matod ni Quisumbing.

Sukad niadtong 2010, ang Veco naka-rewired ug nidugang sa cost-efficient lighting sa 2,963 classrooms sa 76 ka mga tunghaan sa mga dakbayan sa Sugbo, Mandaue, Talisay, Naga ug mga lungsod sa Liloan, Consolacion sa Norte ug Minglanilla ug San Fernando sa bahagatan sa Metro Cebu. (PR)

Gipatik sa mantalaang Superbalita Cebu Nobyembre 15, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments