Talk to Papa Joe: Basin mobiya | SunStar

Talk to Papa Joe: Basin mobiya

Time to read
1 minute
Read so far

Talk to Papa Joe: Basin mobiya

Tuesday, November 14, 2017

Dear Papa Joe,

Tawga lang ko sa ngalan nga Ralf, usa ka call center agent ug part time TNVS. Ang akong suliran kabahin sa gugma.

Naa koy naila-ila nga usa ka local model nga babaye nga ang edad 21. Gwapa ug sexy siya nga kon magkuyog ming duha, ma bully ko sa akong mga friends kay giilad daw nako o gitiunan para mosugot.

Sa buntag, mag part time ko og Grab para naa sad koy madata sa akong awto. Kining akong uyab dili baya demanding pero sa ngan nga murag dehado ko kay buhaton gyud nako tanan, like hatod kuha siya sa school ug kon naa sad siyay event, hatod kuha sad nako with matching allowance pa gani kay di man sad siya mauwaw nga makigkuyog nako.

Karon, niabot ang panahon nga maglisod na ko og bayad sa akong sakyanan kay di nasad ko ka focus og drive kay magkuyog nalang mi permi. Mao nga naka decide ko nga I-surrender na lang nako ang awto nga pinangga ra ba ni niya. Akong problema basin og mauli ko ni, basin mobiya siya nako kay wa ra ba koy service lain. Palihug tambagi ko.

RALF

Ralf,

Anha na nimo masukod ang iyang gugma kong ikaw naay problema. Kay ang tinuod nga nahigugma, di gyud na mobiya nimo. Di man sad ta makasulti nga kumo model, gwapaug sexy mao ra sad nay giapas nimo,. Mangita na lang gyud na sila og bigtime pero kay gianad man nimo uo gasto mao nga ganahan sad siya.

Ang maayo ana, consult sa niya if okay ba ang imong desisyon. Basin mo-offer siya nga ayaw lang i uli, mag cost cutting lang mo, o di ba? Pero kon moingon siya nga ikaw? Aw lisud nana. Be practikal lang gyud. Don’t buy love kay kon tinuod gyud siya nimo, mosabot siya.

PAPA JOE

(sa inyong tampo ipadala lang sa papajoesuperb@gmail.com)

Gipatik sa mantalaang Superbalita Cebu Nobyembre 15, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments