Barangay Tomonoy mosaulog sa pista ni La Immaculada Concepcion ugma | SunStar

Barangay Tomonoy mosaulog sa pista ni La Immaculada Concepcion ugma

Time to read
less than
1 minute
Read so far

Barangay Tomonoy mosaulog sa pista ni La Immaculada Concepcion ugma

Wednesday, December 06, 2017

SA Biyernes, Disyembre 8, ang Barangay Tomonoy, lungsod sa Moalboal, Sugbo mosaulog sa tinuig nga kapistahan sa patron sa barangay nga si La Immaculada Concepcion.

Gawas sa relihiyusong tu­lumanon, ang barangay mo­pasiugda og daghang kalihokan labi na sa paugnat-sa--kusog sama sa basketball tournament sa senior ug midget divisions, women’s volleyball open, mountainbike competition nga gitawag og Sikad Tindak sa Tomonoy ubos sa pagpasiugda sa Bikers Adventure Panaghiusa nga gipangulohan nila ni Engr. Lito Sebumpan ug Fritz Dio, boat race (lumba sa sakayan) ug uban pa.

Kini gipasiugdahan sa ilang maabtik ngakKonsehal, Hon. Albertsam ‘Dodong’ Tabañag, ug shairman sa Committee on Sports ug ni Rodney ‘Jet’ Ta­bañag, ug Barangay Tomonoy Sports Commissioner.

Mga cash prizes ug tropeo ang madawat sa tanang mga mananaug ug consolation prizes ang ipahalipay sa mga walay su­werte sa maong kompetisyon.

Giabagan pud ang maong kalihukan sa maabtik ug matinabangon nga si Barangay Kapitan Marvin Dio ug Hon. Yulo Jakosalem, ang event consultant.

Daghan pang kalingawan ang ipasundayag sa matag gabii sa umaabot nga kapistahan sama sa drama, variety show, sayaw, singing ug beauty contest, nga ipasigarbo sa mga naghalainlaing grupo, organization, association, federation o pundok, sa nahisgutang Barangay. Ipahigayon usab and dakong disco atol sa kahulugan diha sa ilang basketball court.

Gidapit ang tanan sa pagsaksi sa kalihokan sa pista. (PR)

Gipatik sa mantalaang Superbalita Cebu Disyembre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments