Revengers, P 400-M na pero nakuwangan ko | SunStar

Revengers, P 400-M na pero nakuwangan ko

Time to read
1 minute
Read so far

Revengers, P 400-M na pero nakuwangan ko

Wednesday, January 03, 2018

KUMUSTA ang bag-ong tuig mga suki? Pag-Pasko maorag wala kaayoy mga nagpabuto no?

Pero pagsugat sa bag-ong tuig dinha nagpista ug nanglupad ang mga Kwitis, Triangle, Super lolo, Five star ug ubang makabungog nga mga paboto.

Sa akong gipuy-an kadiyot ra, maorag nilanat ra og mga 20 minutos ang mga paboto ug namingaw ra dayon.

Salamat hinuon nga gamay ra ang nabuthan karong tuiga kumparar sa miaging katuigan. Dapat lang makat-on na ta kay momahal na ra ba ang tanan. Pasangil lag tax reform?! Weeh!

Pag-New Year, nagpalihi mi og tan-aw sa The Revengers Squad. Last full show na mi kay sige og uwan-uwan tungod lagi sa bagyong Agaton.

In fairness, kataw-anan gihapon ang The Revengers ni Vice Ganda apan dili lang sama sa mga nangagi niyang pelikulang “Super Parental Guardians” ug “Beauty and the Bestie” nga mas alegre ug mas riot sa kataw-anan.

Ang The Revengers kay binata ra kaayo ug ang ubang jokes kadaghan na ko kadungog ani nila sa Showtime. Nahutdan na ba og jokes si Vice nga hasta ang ambulansiya nga 50-50 ang sakay iyang gi-throwback?

Mas maayo pa puros mga stand up comedian ang iyang kuhaon sa sunod niyang pelikula mas alegre pa tingali.

Dili hinuon ikahibong kon naka-P400 million na ang The Revengers ug No. 1 gihapon si Vice sa MMFF kay siya man gyuy pinakasikat nga komedyante karon sa nasud.

Pero mao lagi dunay mga gusto motan-aw og “Larawan” ug “Deadma Walking” pero mao say ilang reklamo, pangita-unon kuno ang mga sinehan nga nagpasalida. 

Nakabasa ko sa pipila ka comment nga naglabad kuno ang ilang ulo sa Revengers. Haha.. Ako, nakuwangan ra ko, wala ra maglabad. Hehe…
 
Prediksyon

Karong 2018, gitag-an nga mabuntis si Anne Curtis ug magpakasal na si Coco Martin sa iyang rumored girlfriend nga si Julia Montes.

Daghan sad ang naghinam­hinam kon kanus-a moangkon silang Ellen Adarna ug John Lloyd Cruz sa ilang relasyon ug sa isyung magka-baby na sila.

Gipaabot sad ang pagladlad sa usa ka singer-aktor nga natsismis na niadto sa laing Kapamilya aktor. Sa akong nadunggan duna pa kunoy laing tulo ka mga sikat nga singer ang bading.

Duna say nitag-an nga mabuntis karong tuiga ang usa ka young actress nga dunay letter “A” ang pangan? Hmmm, maorag exciting ang atong showbiz sa 2018!

Happy New Year! ug daghang salamat sa inyong pagbasa karon sa atong pampasuwerteng buwena mano nga lindog sa 2018 dinhi lang gihapon sa atong Tagming, ming, ming, ming....

Gipatik sa mantalaang Superbalita Cebu Enero 04, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments