Tambagi ko Noy Kulas: Gastador | SunStar

Tambagi ko Noy Kulas: Gastador

Time to read
1 minute
Read so far

Tambagi ko Noy Kulas: Gastador

Wednesday, January 03, 2018

Dear Noy Kulas,

Just call me Pete. Dugay na kong sige og sunod sa inyong column ni Papa Joe. Wa ko mag-expect nga makapadala ko nimo og suwat aron magpatambag.

Naminyo ko 3 years ago. Pero ang akong misis naa sa province nag work while ako naa diri sa city. Usa ra ang among anak nga gamay pa.

Ang akong problema mao ang attitude sa akong asawa towards money. Pulos mi dunay trabaho ug di matawag nga gamay mi og suweldo kay puro mi supervisory og position. Mahibulong kay katunga sa akong suweldo akong ihatag niya while mamalit ko para sa among mga panginahanglan sa balay ug bata. Pero nahibung ko dagko og ang akong asawa. Unya apil ko og bayad aning iyang mga utang kay di ko kaagwanta maminaw naay maningil niya. Mahitabo nga maoy hinungdan sa among away kay di siya maka explain sa akoa parte sa iyang mga utang nga naggasto man ko para sa amoa.

Noy, kinahanglan nako ang imong tambag how to deal niya kay kahibawo ko minyo pud ka. Unsaon nako pag usab ang attitude sa akong asawa? Daghang salamat.

PETE

Pete,

Naa gyud na sa tawo ang pagkagastador. Depende ra hinuon na sa ilang tumong sa paggasto. Dunay uban nga ganahan mopalit og something mao mangitag paagi nga dunay ikapalit.

Pag-estorya mo parte sa inyong income ug expenses. Lingkuri na ninyong duha. Ikaw ang mo-initiate, kwentadaha ang imong income ug imong expenses. Siya usab pangayoi sa iyang income ug expenses. Pinaagi niini, inyong makita ang kahimtang sa inyong finances, labina siya nga nagtuo nga okay ra ang iyang gihimo. Di ra ba na sakto kay ang pagpangutang giubanan og interest. Mas daghan ang utang, magkadako ang interest.

Ipakita niya ang kahimtang sa inyong panalapi. If pwede, ikaw ang magdala sa budget kon di siya makahibawo niana. Unya undangi na ang pagbayad sa iyang mga utang kay kon ikaw ang magbayad, ikaw ra sab ang mag-antos hangtod nga magkayamukat na ang inyong finances.

Sultihi siya nga unahon nin­yo ang savings, di ang paggasto. Mao na ang kanunay isulti sa imong asawa.

NOY KULAS

(Alang sa imong problema, e-mail sa kulassuper@sunstar.com.ph ug rojval69@yahoo.com)

Gipatik sa mantalaang Superbalita Cebu Enero 04, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments