Balak: Bagad sa kinabuhi | SunStar

Balak: Bagad sa kinabuhi

Time to read
less than
1 minute
Read so far

Balak: Bagad sa kinabuhi

Friday, January 12, 2018

Ronie M. Catadman
Maribago, Lapu-Lapu City, Cebu

ALAOT ang kabos, tuaw sa linupigan,
Sa kahimtang materyal walay ikadalit.
Uhaw sa butang sa salapi lang makab-ot,
Ang kahaw-ang sa dughan lang gitago!

Bulahan ang adunahan, himaya pagpanlupig.
Ang kahimtang nga luho sayon maangkon.
Tugob sa butang sa pangandoy matuman;
Naglunang sa bahandi padayong milambo!

Busa, kabos nga higala, ayaw pagmahay.
Hinunoa sa kadasig lig-una imong pagtuo.
Sa bahandi kaugalingon mo ayaw ibugti.
Aron di maalaot ang kalag mo ampingi!

Sa ngilit sa pagsulay padayon pakigbisog,
Ang pag-ampo nga putli himoang kalasag.
Ang Iyang diwa himoang bililhong mithi
Kay tanan sa lubnganan gayud mopauli!

Gipatik sa mantalaang Superbalita Cebu Enero 13, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments