Mga pelikulang gi-atngan sa 2018 | SunStar

Mga pelikulang gi-atngan sa 2018

Time to read
1 minute
Read so far

Mga pelikulang gi-atngan sa 2018

Saturday, January 13, 2018

DAGHANG mga pelikula ang ipasalida karong tuiga, sama sa “My Fairytail Love Story” nga usa ka fantasy movie nilang Elmo Magalona ug Janella Salvador, ang paglupad og balik ni “Darna” starring Liza Soberano ug ang bag-ong adventure ni James Reid sa “Pedro Penduko”.

May “Recipe for Love” nga ilusad silang Christian Bables ug Cora Waddel. Si Sue Ramirez duna say “Ang Babaing Allergic sa Wifi,” diin makapartner niya ang in demand karon nga myembro sa Hashtag gikan sa Pinoy Big Brother, Jameson Blake.

Samtang, pangdrama ug love story ang mga pelikulang “Mr. and Mrs. Cruz” ni Ryza Cenon ug JC Santos, “No Ordinary Love” ni Piolo Pascual ug Arci Muñoz, “My Significant Other” ni Erich Gonzales, Lovie Poe ug Tom Rodriguez, ug ang balik-Kapamilya movie ni Derek Ram­say nga “Kasal” kauban silang Paulo Avelino ug Bea Alonzo.

Daghan pa tang atangan sama sa bag-ong pelikula ni James Reid ug Nadine Lustre ug may James ug Sarah Geronimo pa. Si Piolo may movie usab nga kauban ang dugay nang natsikang girlfriend nga si Shaina Magdayao ug may lain pang buhaton ang Piolo kapartner si Pia Wurtzbach.

Si Bela Padilla may gishoot sa Switzerland uban ni Carlo Aquino, may horror movie pa nga “Eerie” nga sa unang higayon mag-uban silang Bea Alonzo ug Charo Santos Concio. Duna pay mga hungihong nga may buhatong pelikula si Nora Aunor ug Vilma Santos, ay’g saba!

May duha ka pelikula nga isalida karong semanaha nga angay ninyong tan-awon.

Ang pelikulang “Mama’s Girl” nilang Sylvia Sanchez ug Sofia Andres ug “Ang Dalawang Mrs. Reyes” ni Judy Ann Santos ug Angelica Panganiban nga puros light, comedy ug feel good movies. Ayg saba!

Unsa katinuod ang mga tsismis nga kaslonon na si John Lloyd Cruz ug Ellen Adarna human nga napabalitang mabdos karon ang dalaga?

Mao ni ang labing giatangan sa tanang mahiligon sa showbiz. Mahitabo kaha ni karong tuiga? Ay’g saba!

Gipatik sa mantalaang Superbalita Cebu Enero 14, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments