Sugilanon: Kahiamgo sa Valentine's Day | SunStar

Sugilanon: Kahiamgo sa Valentine's Day

Time to read
2 minutes
Read so far

Sugilanon: Kahiamgo sa Valentine's Day

Wednesday, February 14, 2018

(Illustration by Enrico P. Santisas)

John Tam Ybañez
c/o DYRC, Fuente Osmeña, Cebu City

KING’S Court, Bay,” nako pa ngadto sa drayber sa taksi nga among gisakyan ni Ann human sa among panagkita sa Country Mall sa Banilad nianang hapona. Dali kaayong nakapadagan ang drayber nga  sa akong tan-aw, suheto na kaayo kon asa dapita ang maong motel sa Mandaue.

Hinigugma ko si Ann nga nag-alagad sa usa ka panimalay sa Lahug isip katabang. Nagkaila kami tungod sa usa ka programa sa radyo nga manawat og mga greeting pinaagi sa teks ug mahimo pong mangayo og teksmeyt.

Dugay-dugay na ang among relasyon. Gani, makadaghan na namo saw-i ang saro sa himaya. Gidawat niya ang akong gugma luyo sa kamatuoran nga aduna na akoy pamilya. Dili kaayo guwapa si Ann apan bigot og lawas mga makadani gayud sa mga kaliwat ni Adan. Sa panuigong 22, lab-as pa kaayo ang iyang pagka buwak, lapyo nga anindot tupsan ang dugam-is sa mga buyog nga 45 sama kanako.

Sa una kong paghanggat kaniya nga manulod og motel, nagduhaduha pa siya pagkuyog. . Siya ra pod ang mikompisal kanako nga dili na siya putli. Ang una kuno niyang uyab nga si Allan ang unang nakabuak sa iyang tinipigang pakwan.

Maoy pagaingnon nga ang pagsugod ra maoy lisod kay dihang akoa na siyang nadala sa mabugnawng lawak, dili na siya mobalibad kon akong hagdon sa ingon. Apan natingala ko kay wala man momabdos si Ann. Tingalig naa siyay gigamit aron dili kini mahitabo. Hinuon, matag higayon nga mahuman na ko sa among kombate, mogawas man ang binhi nga akong gitisok sa iyang sabakan. Ambot ngano?

Sa sinugdanan, withdrawal ang akong gibuhat kay naglikay lagi kong magsabak siya (tungod sa akong estado sa kinabuhi) apan sa nadugay na, misugot man si Ann nga dili na lang kini buhaton. Pero naunsa bang mahabwa man kini matag human sa among parayganay. Mora bag pagkaon nga wala hiayoni sa ginhawaan nga idigwa o isuka. Hinuon, nalipay pod ko kay bukid man sa akong buot nga siya momabdos sanglit sayod kong dako kining problema.

PAG-ABOT namo sa motel, mihunong ang taksi tungod sa gate diin nahimutang ang bakanteng lawak nga gitudlo sa roomboy. Human makahatag sa plete, mikawas dayon kami si Ann ug daling nanulod sa kuwarto samtang ang roomboy miserado sa ganghaan.

Gitrangkahan ko ang pultahan sa lawak diin maayong pagkapahiluna ang duha ka unlan ug pinilo nga habol ibabaw hunulhunol nga higdaanan.

Walay kukaulaw si Ann nga naghubo sa iyang karsones ug ubang tabon sa lawas dayong sulod sa banyo aron mag-shower. Gihukas ko usab ang tanan kong sapot ug misunod kaniya. Nagdungan mig pangaligo.

“Kaisog na god ana, Rey!” tuaw ni Ann nga nagngising gatutok sa akong atubangan.

“Mao lagi. Gusto na og patayan!” nahikatawa pod ko.

“Agwantaha lang sa kay makalabok ra lagi na human natog kaligo!

“Tagbawa ko, ha, kay Valentine’s Day baya ron,” nako pa samtang nanglugod sa bugan.

“O, lagi,” ni Ann pa nga puwerteng nakapanabon sa iyaha. “Bantay bitaw og mosurender ka, ha? Tagbawon tika karon kay katapusan na ni natong panagkita.”

“Ha? Unsa to?” daw dili ko makatuo sa iyang gisulti.

“Matod ko, mao ni katapusan tang panagkita!”

“Ngano man?”

“Nakaamgo na ko nga dakong sayop kining atong relasyon. Gawas pa, aduna na koy laing gimahal nga walay kabilinggan sa kinabuhi ug gani, nagplano na kaming magpakasal. Pasayloa ko, Rey, nga wala dayon mosulti kanimo niini.”

Daw bomba nga mibuto sa akong atubangan ang gitug-an ni Ann. (Katapusan)

Gipatik sa mantalaang Superbalita Cebu Pebrero 15, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments