Tambagi ko Noy Kulas: Karibal foreigner | SunStar

Tambagi ko Noy Kulas: Karibal foreigner

Time to read
1 minute
Read so far

Tambagi ko Noy Kulas: Karibal foreigner

Wednesday, February 14, 2018

Dear Noy Kulas,

Maayong adlaw kanimo. Ako si Jaymar. Naa koy amiga ug nakaangay ko niya. Ako siyang gi tug-anan sa akong gibati ug ako siyang gipanguyaban pero iyang tubag nga naa siyay uyab 2 years na nga foreigner, apan wala pa sila nagkita sukad. Ang iyang tubag wa makapa discourage nako ug sige gihapon ko og duol niya.

Hapit kada adlaw mi mag-estorya sa telepono. Manglaag pud mi kauban sa among mga amigo ug usahay kami lang duha ang manglakaw. Milabay ang pipila ka mga buwan, ang among amigo nitug-an nako nga nakaangay na daw pud ang babaye nako. Maong akong gipangutana siya kon tinuod ba.” O, pero naa man koy uyab maong di pwde nga kita,” mao na iyang tubag.

Nagpadayon gihapon among pagkaamigo ug sige gihapon mi og contact. Last December ni text siya nako nga moabot na daw iyang uyab inig January 2018. Wa siya kahibawo unsay iyang buhaton. Sakit kaayo nagbasa sa iyang mga text. Last month iya kong gitawagan before nakig meet siya sa iyang uyab. Nangayo siya og sorry unya di sa daw siya mo-contact nako. Ang akoang tubag kay okay lang pero sakit kaayo sa akong dughan. Nihangyo pud siya kon pwede ba magpabilin ming amigo human ani nga panghitabo. Hangtod karon wala pa mi nag-contact.

Sayop ba nga ako siyang gipa­nguyaban? Unsay akoang bu­haton? Magpabilin ba ming amigo? Mopalayo na ba ko ni­ya? Di na ba ko mo contact? Maayo ba nga mo move on na lang ko ug di na ko maggukod niya? Mangita na lang ba ko ug lain o magpaabot pa ba ko niya?

Tambagi ko, Noy Kulas. Daghang salamat ug God bless.

JAYMAR

Jaymar,

Di sayop ang imong pagpanguyab kay pulos mo single bisan kon duna na siyay uyab. Ipabilin ang inyong panaghigalaay pero angay usab nga imo siyang pangutan-on kon unsay inyong direksyon kay pagkapait niana nga moabot ang adlaw, siya kaslon samtang ikaw iyang talikdan samtang nagdahom ka nga kamo ang magkadayon.

Kon unsa may inyong maestoryahan, kon duna siyay plano nga makigminyo sa fo­reigner, mas maayo nga mag­hinayhinay ka sa pagdistansya kaniya. Kana bang panagsaan na lang ang inyong communication, anam-anam aron di usab sakit kay nakalitan ka.

Hinayhinay sa pagpangita og lain kon wa kay kaseguraduhan. Ayaw lang usab pagpanguyab og laing babaye nga imo rang gamiton nga shock absorber. That is the best thing nga imong mahimo aron di kaayo grabe ang impact kon sa higayon motabok siya ngadto sa kaminyuon. Kaning tanan nagdepende sa iyang mga plano.

NOY KULAS

Alang sa imong problema, e-mail sa kulassuper@sunstar.com.ph ug rojval69@yahoo.com

Gipatik sa mantalaang Superbalita Cebu Pebrero 15, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments