Micro Finance Nanay: Milampos tungod sa gugma sa trabaho

AKO si Annie Seguia, 58, taga Brgy. Cogon, Compostela, Cebu.

Sa 20 ka tuig nako nga pagnegosyo, makaingon gyud ko nga daghan na ako og naagiang kalisdanan.

Apan makatestigo ako nga basta magkugi lang ug ka­nu­nay nga may kadasig sa pag­tuo sa Ginuo, molabay ra gyod ang tanang problema.

Nagsugod ako og negosyo og trapo tuig 1998. Hinay gyud kaayo ang kita sa una, apan akong giagwanta kay mao ra may akong nahibaw-ang negosyo. Nagsalig ra kami sa kita sa akong bana, maong maong nakahu­nahuna ako nga mutabang pag­­pangita og kwarta.

Dihang may nakasulti kana­ko nga pwede manghuwam sa RAFI Micro-finance, wala ako magduhaduha og apil. Sa sinugdanan, medyo naglisod ko sa pagbayad sa sinimanang bayranan, apan nakat-on ra ako sa pagdisiplina sa kaugalingon kay panagsa ra baya nga anaay magpahulam og dakudakong kantidad aron himuong kapital.

Gigamit nako ang akong na­huwam nga kwarta aron palambuon ang akong negosyo sa pagpamaligya og trapo.

Karon, gawas sa trapo, a­­duna na sab akoy tindahan ug nakahatag og trabaho sa lima nako ka mga emple­yado. Labaw sa tanan, naka­hatag ako og maayong kaugmaon sa akong duha ka mga anak, kay kaluoy sa Ginoo nakahuman man sila sa pagtungha sa kolehiyo.

Akong ikatambag niadtong gusto molambo ang negosyo mao nga bisan unsa kini ka gamay, higugmaa lang gayud ang imong gibuhat kay sa madugay o sa madali magmalampuso ka ra, giniyahan sap ag-ampo sa Ginoo.

Gugma sa negosyo maoy gihimo ni nanay Annie nga paagi aron mapalambo ang kahimtang sa iyang pamilya. Ramon Aboitiz Foundation, Inc. (RAFI)