Tambagi ko Noy Kulas: Bitin (2)

Mao ni usa sa ako mga butang nga lainan niya kay balewala lang gali. He took me for granted kay nagsalig siya nga ako una motawag unya he keeps on making promises to me pero wa gyud natuman. Mao ni akong kalibugan.

Noy, hugaw na kaayo ko og hunahuna ron. Mokalit santop sa akong hunahuna ang nangagi. Ingon pa niya past is past daw. Angay kalimtan unya salig lang daw. Ako sad nahibaw-an nga buntis ang girl and nobody knows kinsa ang amahan. It was him who said it first kay basin adto nako sa uban mahibaw-an unya hugaw kaayo ko og hunahuna.

Unsa angay nakong buhaton para maclear akong mind? It was like I’m carrying a very big burden especially at night. Mokalit lang og rewind nako tanan. Am I right for saying nga he took me for granted kay ako man mouna niya og tawag? Kanang maglagot ko niya makasulti ko og di mao ako pa mangayo og sorry? Is it still love or obsession na ni ako kay siya akong first?

Usahay gani makahuna-huna ko og revenge. One time nakaingon na ko niya nga what had happened to her is karma. Nalibog na gyud ko. Please help me, Noy. I need your advice badly. Sorry taas na kaayo akong message. Please don’t print my e-mail.

Thank you. More power to your column.

MS. PATHETIC

Ms. Pathetic,

Kanang imong na-feel natural lang kaayo. Daghan kaayo ang mga girl nga mo-stick sa relationship, bisan kon kini abusive. Di na lang nako i-discuss ang mga possibility nganong naingon ka niini kay limited ang atong space.

Ang akoa lang hinuktoki og maayo ni. Hangtod kanus-a ka man mahigmata nga ang lalake nga imong gikarelasyon latagaw pa og huna-huna? Di siya maka-commit sa relasyon og dugay kay mapul-an siya. Matawag tang he is in love with the idea of love. Apan ang lifetime commitment wa kana niya. He keeps on transferring sa lainlaing relasyon.

Wa pa gyud siyay kabuot ug respeto sa mga babaye. Tan awa lang gud, sakto ba gud na sa usa ka lalake nga mosulti sa iyang gibuhat ngadto sa laing babaye sa iyang girlfriend? Duha ang iyang giinsulto, ikaw ug ang babaye nga iyang gibirahan. Ikaw ra kaha ang iyang gisultihan? Nakaako gani siya sa pagsulti diha nimo, unsa na kaha sa laing mga tawo? Unya, wa sab kaha niya gipanabi ang nahitabo ninyong duha?

Wa ka makakita sa dagan sa inyong relasyon kay grabe kaayo ang imong gugma niya. Nahug intawon nga ikaw ang nagsige og gukod sa lalakeng way kaseguroan bisan sa dagan sa iyang kinabuhi. Move on. Ayaw kabalaka sa nahitabo ninyo kay wa ni magpasabot nga you are a lesser woman. Kana kon nabalaka ka man.

I know lisod kaayo ang pagbuhi niya but ako lang pahimangno nimo, nga ayaw paabuta ang panahon nga ikaw maglagot mismo sa imong kaugalingon tungod sa imong pagpatunto niya.

It can happen. Mas ngil-ad pa ni og epekto sa imong pagkatawo unya puhon. Respetohi ug higugmaa ang imong kaugalingon.

NOY KULAS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph