Tambagi ko, Noy Kulas: Milubad

Dear Noy Kulas,

Tawga lang ko og Spongebob, usa ko sa mga tigsunod kaayo sa imong column.

Aduna koy uyab nga atong tawagon og Torpe. Sa una namong duha ka mga buwan, maayo pa kaayo ang among relasyon. Malipayon pa kaayo mi. Aduna pud nuon miy maagian nga bikil, apan dali ra masulbad.Niadto pa gyung miaging buwan nagkaproblema ang ilang pamilya. Hinuon nasabtan ra ni nako hangtod sa gihulman sa iyang amahan ang iyang cell phone nga nag cause gyud siya sa pagka wa’y communication namo.

Gidawat ra ni nako. Okay ra nako apan niabot sa punto nga gikapoy na ko. Gilisodan ko sa among situation kay kadtong panahon nga ako walay cell phone mangita gyud ko og paagi nga maka-communicate ko niya. Apan karon nga siya maora ra niya og wa. Igo ra siya nga moingon nako og “mag antos lang sa daw mi” pero mura na man gyud hinuon ko og amaw nga magpaabot atong panahona nga posibleng di na gyud mahitabo.

Unsa man ang angay nakong buhaton, Noy?

SPONGEBOB

rSpongebob,

Frustrating bitaw nang mag-expect ka nga ang imong partner mohimo sama sa imong effort nga gihatag alang sa relasyon. Apan sa reality man gud, duna gyuy mga panahon nga ang partner dunay shortcoming. Di paigo ang ilang effort sumala sa unsay atong gipaabot. Mao gani nga di sab maayong mag-expect ta og the same effort kay basin ang ilang best, is not good enough.

Naa gyuy mga tawo nga di kaayo expressive. Usahay mag-wonder ka kon duna bay feeling o wa. Or taphaw ra ba ang pagbati. Naa say uban nga maayo sa sugod, apan molubad ra sab. Pul-anon ba. Nindot kaayog mga buhat sa pagsugod, apan maorag runner nga nakabulhot sa pagsugod, ni fade away sa tunga-tunga pa lang.

Sa relasyon, gikinahanglan nga two-way ni. Gikinahanglan sab nga malipayon ka, di mag-antos. Mag-unsa man ang relasyon kon wa kay kalipay? If you are not happy sa relasyon, nganong magpabilin pa man nga mahigot?

By the way, ang panag-uyab wa magpasabot nga wa nay trampas or mag-expect nga mao na gyud nay lifetime nga partner. It’s a trial and error stage pa. Kon di magkasinabot, magbuwag. Mao na nga stage nga mag-ilhanay ug maghibaw-anay sa pagkatawo ang duha. Kon mo-click ang relasyon, kana bang dunay spark, dunay dakong posibilidad nga magkadayon ang duha. But don’t expect too much gyud kay sa akoa nang giingon, it’s trial and error. Kon mahitabo nga ikaw sab ang di makauyon, makigbuwag ka man gihapon.

NOY KULAS

(kulassuper@sunstar.com.ph)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph