DEAR Noy Kulas,
Tawga lang ko sa ngalan nga Ram,lumad nga taga Sugbo. Usa ako ka mahuyang.
Sa akong gitrabahuan naa koy gikaibgan nga nganlan na lang nato og JD. Sa first pa nako nga work kami ang mag uban sa field. Ganahan ko niya kay gara kaayo siya. Di gyud nako ma feel ang kakapoy kay kiat kaayo siya. Hangtod nga naa na diay koy love niya. Di gyud kompleto ang akong adlaw basta di ko makakita niya.
Ako siyang gisultihan sa akong gibati. Apan dedma lang niya. Sukad adto di na siya makig-uban nako. Tagsa na lang siya motingog nako. Di na siya mo-reply kon akoang teksan. Nalain kaha to siya nako sa akong pagtug-an kaniya nga naa koy feeling para niya?
Unsa akong buhaton kay di man gyud nako kaya kon mawala ang among friendship niya as in nabuang gyud ko nya?Di man siya ingon nga gwapo apan siya ang akong kalipay.
Please, Noy Kulas, tambagi ko. Thanks and God bless.
RAM
Ram,
Salamat kaayo sa imong suwat. Angay mong sabton ang panghuna-huna sa sagad sa mga lalake. Di gyud na sila ganahan makigrelasyon og third sex nga lalake. Mauwaw na sila sa same sex relationship. Alang nila makauuwaw ang makigrelasyon, bisan na gani kon maibgan og bayot. Mao na nga naglikay na siya kanimo. Apan mas maayo na lang kay nakapahungaw ka sa imong gibati.
Ayaw pagdahom nga di na nimo ma-overcome. Naandan kaayo nang gugma nga mag-uros-uros.
Masakitan og maayo kon i-reject ug palay-an sa gimahal. Mao gani nang uban nga mahadlok mosulti sa gibati kay nahadlok og rejection. Apan ikaw isog nga misulti kaniya. Kana nagpakita sa imong kaisog sa pag-atubang sa unsa man nga consequence.
In time, mahanaw ra nang imong pagbati niya. Kanang paglikay na niya nimo will help you in getting rid sa imong feeling.
Lisod ug tungason gyud hinuon na. But sa pagligid sa panahon, makat-on ka ra sa pag move on. Huna-hunaa lang nga naa pay daghang ikabagat sa imong kinabuhi. Wa ka pa lang makakita ning higayuna. Kanang lalake nga andam modawat kanimo bisan unsa ka man. Pagmatngon lang nga di ka mapahimudsan.
NOY KULAS