Editoryal: Ang commercial sa diaper

DAGHAN ang wa kauyon niining commercial o advertisement sa usa ka diaper nga naggamit sa senaryo sa Battle of Mactan.

Sa maong commercial makita nga si Magellan, sa dihang midunggo sa Mactan, miregalo ni Lapu-lapu og usa ka kahon nga diaper.

Obenieta: Batok sa hagok

DUHA ang maskara sa alampat kun arte sa pasundayag—ang gahilak ug ang gakatawa. Dili puol kay puli-puli man ang kasakit ug kalipay. Ug ingon ini pod unta ang dagway sa pagsaysay sa kaagi aron lisod talikdan ug kalimtan. Dili laay. Kay naa pod baya’y mga kadaogan ug kasaulogan, gawas sa pagbangotan nga sagad mao’y gisangpotan sa mga binuhatan nga hinanggaw sukad pa kaniadto.

Binghay: Nangalipay sa bag-ong balaod

Jaybee Binghay Kukabildo

Dul-an sa tres milyones na ka mga katabang sa panimalay o kasambahay dinhi sa Pilipinas ang  nangalipay sa pagpasar sa Republic Act 10361  o Batas Kasambahay nga gi- pirmahan ni Pres.  Benigno Aquino III niadtong Enero 18 ning tuiga.

Albor: Layo ra sa tinai’g manok

MAG-AGAD sa mayor sa hingtungdang local government units (LGU) ang hinabang pinansyal ngadto sa mga senior citizens. Naibog ang mga tigulang sa programa ni Mayor Mike Rama nga P10,000 na karong tuiga matag senior citizen. Ginagmay ra nga madawat sa ubang LGU. Duna gani lungsod nga gamayng karton sa gatas ug parisan sa tsinelas ang ilang madawat. Gawas sa hinabang pinansyal dunay nasodnong balaod nga naglantaw og kaayohan sa mga edaran. Ilang matagamtaman sa Expanded Senior Citizens Act of 2010 (RA 9994) ang 20 porsento nga diskwento sa palitong pagkaon, imnonon, tambal ug pletehan.

Nadela: Tubig ug eleksyon

AKONG gikatkat ang usa ka bukid sa Sityo Inaad sakop sa Barangay Gaas lungsod sa Balamban. Nahitabo ni niadtong Martes nga naatol sab nga tabo sa maong dapit. Ang akong tuyo mao ang pagpangumusta sa mga mag-uuma taliwala sa grabing kainit sa panahon nga atong nasinati karon.

Ilang gitug-an nga dako kini og epekto sa ilang pananom.

Editoryal: Mass transport ug pagpaminus

SA MEGA Cebu forum, ang kandidato sa pagkamayor sa Talisay City nga si Kong. Eduardo Gullas nisaad nga iyang iduso ang Light Rail Transit System ug Bus Rapid Transit kon siya mapili.

Kon duna ba siyay mahimo o di, lalisunon pa na kay mas duna unta siyay impluwensya karon isip re­presentante sa unang distrito.

Nalzaro: I-pribado ang mga government hospitals

MAKAPA-ALARMA kining lakang karon sa nasudnong kagamhanan nga i-privatize kining 26 ka mga government hospitals lukop nasud apil na ang Vicente Sotto Memorial Medical Center (VSMMC) dinhi sa ato. Kini pinaagi sa public-private partnership. Buot ipasabot nga kon mahinayon man kining maong plano, mamahimo na nga pa­­gadumalahon sa pribadong kompaniya ang pagpa­dagan ning mang mga hospital. Ug kay pribado naman ang modumala, aw, natural gikina­hanglan nga kini mokita.

Barrita: Segurado nang modaog

SAMTANG ang kadaghanan sa mga kandidato dinhi sa lalawigan sa Sugbo nagkapuliki sa pagpangampanya, diskurso, sayaw-sayaw og “Gangnam Style,” kanta ug balak aron paglingaw ug pagdani sa mga botante aron mobotar kanila, dunay 17 ka mga kandidato nga sa ginai­ngon pa, hayahay pas pulis.

Editoryal: Tikas sa PCOS machine?

KINING initial results sa recounting sa mga botos sa 2010 Elections sa lungsod sa Compostela makapaduda sa kredibilidad sa Precinct Count Optical Scan (PCOS).

Human tugoti ang petisyon ni kanhi mayor Richie Wagas nga ipahigayon ang recounting sa ilang lungsod, ang temporaryong resulta nagpakita nga nag-anam-anam og kabukad ang labaw ni Wagas sa balik-inip­hanay sa mga butos.

Nalzaro: Dili isyo ang sakit ug edad

NIINING nagpadayon ka­ron nga kampanya, dili nato kalikayan ang mamersonal na ang ubang mga pulitiko batok sa ilang mga kaatbang. Usahay ang mga personal naman gani nga mga isyo ang mopatigbabaw kay sa importanteng mga hisgutanan unta labi pa sa ilang mga plata porma de gobyerno. Pero alang sa mga maminaw, nindot man pod usa­hay kining mga manggawas nga mga personal nga isyo.

Ninal: Katolikong check-box

MATOD pa sa latest Social Weather Survey, usa sa matag onse ka-Pilipinong Katoliko makahunahuna usahay sa pag­biya sa simbahan. Ang survey nag-ingon usab nga kung ikumpara sa mga mi­yembro sa ubang tinuhoan, di kaayo tantong relihiyoso ang mga Katoliko. Buot ipasa­bot, di hinimba ug di kaayo aktibo sa mga kalihokan sa simbahan.

Sa survey nga gihimo niadtong Pebrero, 1,200 ka-Katoliko ang giinterbyu ug gipangayoan sa ilang reaksyon sa mosunod: “Sometimes I think that I might leave the Catholic Church,” o kun sa Binisaya pa, “Usahay maglagot ko’g paring di kamao mowali.”

Barrita: Pribilihiyo sa mga senior citizens (Part 3)

Atty Eddie O. Barrita Tipik sa balaod ni

NAGKADAGHAN ang mga pangutana nga atong nadawat bahin sa mga pribilihiyo sa mga senior citizens nga matag eleksyon tinagad kaayo sa mga politiko nga mag-ilog pag-angkon kon si kinsa kanila ang nanghatag og kuwarta ngadto sa mga senior citizens.

Lariosa: Kamot nga andam nga motabang

SA panahon karon nga lisod ang pagpakabuhi gipaabot ang kamot nga motabang. Gi­panag-iya kini sa may malumong kasingka­sing. Sa tawo nga nagdamgo sa masilawng kaugmaon sa uban.

Si kanhi maghuhukom Olegario Sarmiento sa Regional Trial Court (RTC) nagpakita nga aduna siyay kamot nga motabang. Giitsa ni­ya ang puti niyang panyolito sa hawanan sa pulitika sa umaabot eleksiyon sa lungsod sa Alcantara.

Editoryal: Ulan sa ting-init?

PANAHON na sa ting-init apan, ang Metro Cebu, lalawigan sa Sugbo ug ubang bahin sa Kabisay-an ug Mindanao nakasinati og pag-uwan-uwan. Gani, gibaha ang ubang dapit sa dakbayan sa miaging semana.

Sumala sa Philippine Atmospheric, Geophysical and Astronomical Services Administration (Pagasa), way low pressure o bagyo sa Philippine Area of Responsibility (PAR) ug nidason nga ang pag-uwan sa miaging semana mugna sa cloud formation nga kahimtang sa pipila ka bahin sa nasod.

Lonzon: Gugma hangtod sa kamatayon

PARA nako, wa makapugong sa kasuko ug selos si Chief Insp. Ceferino Tabay, de­puty chief sa kapulisan sa siyudad sa Bogo, mao nga iyang napatay si Vincent Paul Montesclaros, 17 , uyab sa iyang anak nga si Natasha Faye Tabay, 16.

Nakit-an man gud sa pulis ang iyang anak nga loving ug nag-date sa biktima bisan pa sa mga pahimangno nga likayan ug buwagan. Apan kun ang inahan pa ni Vincent ang pasultion nga si Lilybeth bugtong ang kamatayon lang ang makauwang sa ilang panaghigugmaay.

Editoryal: Ang P400 million ni Tomas

GISUGDAN na niadtong Marso 15 ang widening project ni 1st district Congressman Eddie Gullas sa probinsiya sa Sugbo nga gilusad sa Barangay Langtad, dakbayan sa Naga.

Ang maong proyekto maoy kabahin sa P400 million nga gihatag ni Cebu City South Congressman Tomas Osmeña ngadto kang Gullas.

Nalzaro: Gugma ug hustisya

GIKINAHANGLAN nga pa­la­wuman pa gyud ang imbestigasyon kabahin sa pagpusil-patay sa usa ka police officer sa usa ka batan-on nga uyab sa anak sa maong polis didto sa Bogo City. Kon gikinahanglan ang National Bureau of Investigation (NBI) ang mo-imbestiga niini aron mawala ang pagduda nga adunay gilabanan ang kapulisan kon sila ang mo-imbestigar niini.

Espinoza: Mobaha ang kwarta sa piliay

NAG-USWAK. Mobaha ang kwarta dinhi sa dakbayan sa Sugbo ug sa ubang dapit sa probinsya sa umaabot nga piliay sa Mayo 13.

Karon pa lang gani, dunay usa ka lider sa usa ka partido (di lang nako hinganlan) dinhi sa dakbayan nga nagsugod na og pangdunol og ginatos ngadto sa iyang mga kaila ug dumadapig sa ilang mga kandidato.

Mongaya: Pila ang nanambong sa rali?

USA ka amiga nga tigsuporta sa Team Rama malipa­yon kaayong nipadayag dihang nagkita mi sa miaging Sabado nga niabot og 60,000 ang nanambong sa rali diha sa Plaza Independencia.

Hinuon ang mga taho sa mga mantalaan niingon nga moabot lang kini og 30,000 ngadto sa 40,000. Gikutlo nga tinubdan man ang kapolisan.

Editoryal: Seguridad sa mga turista

DUHA na ka mga turista ang biktima sa linuog nga buhat sa mga dapit nga adtoanan sa mga turista labi na ning summer, ang maanindot ug naila na sa kalibutan nga isla sa Bantayan ug Malapascua nga sakop sa Daanbantayan.

Apan, kuyaw nga madaut ang turismo sa dapit tungod sa way kaseguroan sa mga turista nga mobisita sa maong mga dapit human duha ka kaso sa pagpanglugos ang natala sa miaging semana lang.

Barrita: Kinsay nagpaluyo sa mga survey?

NAGSIGI na og gawas ang mga survey sa Social Weather Stations (SWS) ug Pulse Asia sa mga kandidato sa pagka-senador.

Sa labing uwahing survey sa Pulse Asia nga gihimo gikan sa Marso 16 ngadto sa 20, nag-una gihapon ang mga re-electionist nga sila si Senador Loren Legarda, Chiz Escudero ug Alan Peter Cayetano.

Obenieta: Hustisyakoy

KON tayaon ang timbangan, masaligan na kini ug sarang makasukod sa pagtuya sa kamatuoran ug kaangayan?

Bañoc: Mga mugbo gihikawan

NAKAMUGNA og di maayong reak­syon sa publiko ang pag-veto ni Presidente Noynoy Aquino sa balaudnon nga nagwagtang sa height requirement sa gustong magpolis, bombero ug jail guard.

Nadela: Pahinumdom sa ulanong summer

SA AKONG mahinumduman niadtongnaghinangat ug hangtod na sa Semana Santa, diretso ang pag-ataki sa init nga panahon. Ang giingon sa taga Pag-asa nga sa Mayo pa mobalik ang ting-ulan apan lahi ang nahitabo.

Nalzaro: Pagpanghudlat sa North Korea

AMBOT morag wala ko makasabot aning batan-ong lider karon sa kumunistang North Korea nga si Kim Jong-un. Tan-aw gani nako sa dagway pa lang ning bataa (maka-ingon kog bata kay manghod man nako ni) may pagka-abnoy. Tupi pa lang daan morag naay singko sa ilok. Si Kim 29 pa unya medyo init pa og dugo. Kon dili pa lang god ni sumusunod sa iyang amahan mga si Kim Jong-il, dili man na mahimong lider. Daynastiya man god ning kumunista.

Editoryal: Mahimo ra diay

NIADTO pang Septiyembre giduso ni Mayor Michael Rama ang iyang reklamo batok kang Kong. Tomas Osmeña kay kalabot sa duha ka Dodge Chargers nga dunay logo sa dakbayan sa Sugbo.

Apan karon lang bag-o gi-subpoena sa Ombudsman ang Land Transportation Office (LTO) aron sila hatagan og mga kopya sa mga dokumento nga magpakita kinsa ang nanag-iya sa duha ka mga sak­yanan.

Mongaya: Comelec way klaro

NATINGKAG akong dunggan karong bag-o dihang nabalita nga ang usa sa labing kabus nga kongresista ug nidagan karon sa pagka senador maoy niguwa nga labing dakog gasto sa mga television advertisement.

Dihang gisusi ang maong taho, nasayran nga mas daghan ang mga ads nga gikuha si Cong. Teddy Casino sa rehiyon kay mas barato. Wala kaayo siya sa nasudnong mga advertisement kay grabi kamahal.

Editoryal: Tabang ni Joavan makaayo kaha?

NIADTONG Lunes, nabansiwag na usab sa mantalaan ang sinagop ni Talisay City Mayor Soc Fernandez nga si Joavan.

Giingon nga nasuko kuno si Joavan sa dihang gibadlong sa tagtungod sa balay nga did-an sa pagpamutang og poster sa iyang amahan kinsa ning higayona magpapili na pagkakonsehal human mapupos ang termino pagka-mayor.

Obenieta: Taya sa timbangan

BISAN pa’g maihap sa tud­lo ang balaod sa Kahitas-an, lupig pa nato ang pungkol nga pakyas kanunay pagkab-ot sa katumanan anang Napulo ka Sugo. Pastilan, tagbaw gyod bitaw ang panuway sa paghupot sa atong mga kamot samtang padayon tang gapaguyod sa naandan tang kalapasan.

Binghay: Cervical cancer Ika-duha na sa Pinas

Jaybee Binghay Kukabildo

WALA damha ni Lara (tinu-od ngalan gipug­ngan), usa ka mahigugmaong asawa ug buotang inahan, nga sa edad nga 39 anyos ma diagnose siya ug maka matay nga cervical cancer.