Mongaya: Bohol ug Young

Saturday, December 10, 2011

TAGBILARAN City- Sayang kaayo nga wa na makasud-ong ang grupo sa Media Information Network for Nutrition and Development (Mind) 7 sa Carmen, Bohol kay manguli na sa Cebu.

Nangimbitar man gud ang mayor nga motambong kami sa ilang lighting ceremony sa mga dekorasyon sa Pasko nga gidayandayan sa tibuok lungsod.

Have something to report? Tell us in text, photos or videos.

Hinumdomi nga kining Carmen mao ang lokasyon sa world famous nga Chocolate Hills.

Destinasyon kini sa Turismo.

Gani moabot og kapin sa libo ka mga domestic ug foreign tourists ang mobisita matag adlaw.

Maka-ingon kita nga kini maoy usa sa nag-unang tourist attraction sa Bohol.

Ang gibuhat karun sa Carmen mao ang pag-involve sa tibuok populasyon sa turismo.

Nakuha akong atensyon kay daw nasubay kini sa direksyon sa Department of Tourism (DOT).

Apan kining among lakaw kabahin sa pagkat-on sa mga programa sa National Nutrition Council (NNC) 7 ug Department of Social Welfare and Development (DSWD) 7.

Naa man diay mga malampusong mga programa ang duha ka ahensiya nga nagsuporta sa health ug social development sa katawhan sa Bohol.

Kulang ang budget pero dunay mga makitang resulta.

Tingale, ang mahimo sa sunod mao mismo ang pag-involve sa lokal nga populasyon.

Mahimo lang kini kon abli ang hunahuna sa mga opisyal sa mga nasudnong ahensya ug lokal nga kagamhanan.

Kana kon sa hinay-hinay mausab ang tradisyonal nga pamulitika nga pagdaog lang na piliay ug pangurakot.

Alang kanako, daghan pa ang angay tarungun sa Bohol kun tuyo niini ang pagdani pa og dugang turista ug sa pagkumbinser sa nanganhi nga mobalik ug manabi sa ilang mga higala didto sa gawas.

Apan duna sad kini bentaha kon itandi sa Sugbo.

Ako anak nga si Azalea mismo ang nakabantay ug iya kong gisultihan.

Matod pa niya, “Pa, mas limpyo lagi dinhi kay sa Cebu.”

Tuod man, nabukas akong mga mata nga sakto diay akong kamanghuran. Ug alang kanako, nahitabo kini kay tagsa ra ang molabay og basura ra mga tawo diri ang magpataka sa paglabay.