Nalzaro: Dry run

Wednesday, February 8, 2012

FLASH REPORT: Nadakpan na sa kapulisan ang tawo nga responsable sa  pagsinggit og Tsunami human sa linog niadtong adlaw’ng Lunes nga maoy hinungdan sa pagpanic sa katawhan. Gi-imbestiga­han siya sa kapulisan:

Pulis: Ikaw ba kadtong tawo nga misinggit og Tsunami human sa linog?

Have something to report? Tell us in text, photos or videos.

Tawo: Oo, chief kay nangita ko sa akong anak nga babaye.

Pulis: Nangita ka sa imong anak? nganong misinggit kag Tsunami?

Tawo:  “Chona Mae” man ang akong gisinggit sir, dili man Tsunami. “Chona Mae” may ngalan sa akong anak’. Bwahaha. Pagkatoytoy!

NAGKAGULIYANG

Nagkaguliyang ang ka­taw­­­han niadtong miaging Lunes human mi-igo ang kusog nga linog sa pipila ka bahin dinhi sa Central Visayas. Grabeng naapektuhan ang pipila ka mga lungsod sa Negros Orien­tal diin posibling mokabat sa usa ka gatus ka mga tawo ang nangamatay. Dinhi sa Sugbo, wala kaayo epekto ang linog kay intensity five ra man.

Dako kaayo kini og namugna nga kaguliyang sa katawhan human mi-isa ang Phivolcs sa Tsunami alert 2. Didto na nagpanic ang katawhan dili sa linog ug aftershocks kon dili sa gikabaniog nga tsunami.

Pero standard operating procedure (SOP) naman kana nga inig human sa linog, isunod dayon ang tsunami alert. Kay ang usa sa mga hinungdan sa tsunami o tidal wave mao ang linog. Laing hinungdan mao ang pagbuto sa bulkan nga makamugna gihapon ug pagtay-og sa yuta ilawum sa dagat og kining pagkahagbong sa kumeta o kining bulalakaw.

PANGANDAM

Tiaw ba nimo kanang ang mga lumolupyo sa mga daplin sa dagat, mi-abandonar sa ilang mga panimalay ug misaka ngadto sa taas-taas nga lugar. Didto han-ok sa Barangay Busay og Kalunasan. Nagtuo sila nga ang taga Busay ra ang maluwas kon moigo ang Tsunami kay si Yody Sanchez ang kapitan. Nagkaproblema intawon si agaw Yudy pag-atiman sa mga namakwit. Apan lagi kay kini si Kapitan Sanchez aduna may malumong kasingkasing ug andam ug tagana nga moserbisyo sa katawhan, aw, iya ra usab nga gi-atiman.

Apan sa positibo nga aspeto, maayo baya usab kadto. Kay atong mabantayan nga andam ug alerto na ang katawhan sa umaabot nga kalamidad bisan tuod og may pagka-overacting.

Kana bang boluntaryo na lang silang mohiklin og dili na pugson. Ang nahitabo atong

Lunes mora ra tog dry run alang sa umaabot og tinud-anay nga Tsunami. Simbako tawon.

(bobby.nalzaro@yahoo.com)