Barrita: Hostile witness

GIPRESENTAR niadtong miaging Lunes ug Martes didto sa Senate impeachment tribunal si Ombudsman Conchita Carpio-Morales isip usa ka hostile witness sa defense panel ni Supreme Court Chief Justice Renato Corona.

Gilalisan pa sa prosecution ug sa depensa kon matawag ba ang Ombudsman nga usa ka hostile witness. Apan sa katapusan, gideklarar siya ni Senate President Juan Ponce Enrile, ang presiding officer sa impeachment tribunal nga usa ka hostile witness.

Unsa man kining gitawag nga hostile witness?

Sumala sa Revised Rules on Evidence (Rule 132, Section 12), A witness may be considered unwilling or hostile only if so declared by the court upon adequate showing of his adverse interest, unjustified reluctance to testify, or his having misled the party into calling him to the witness stand.

The unwilling or hostile witness so declared, or a witness who is an adverse party, may be impeached by the party presenting him in all respects as if he had been called by the adverse party, except by evidence of his bad character. He may also be impeached and cross-examined by the adverse party, but such cross-examination must only be on the subject matter of his examination-in-chief.

Sa pagtestigo sa Ombudsman, iyang giangkon nga ang iyang testimoniya mahimong adverse o makadaot kang Chief Justice Corona apan siya mismo si Ombudsman Conhita Carpio-Morales di adverse party o kontra ni Corona.

Gawas pa niini, di ang depensa maoy nipatawag sa Ombudsman isip testigo kay kagustohan man kini sa Senate impeachment tribunal. Mao nga napugos ang depensa sa pagpresentar kaniya isip usa ka hostile witness kansang tetimoniya mahimong i-impeach.

Duha na karon ang impeachment, ang impeachment trial ni Corona ug ang pag-impeach ni Morales isip usa ka testigo.

Aron di ta maglibog, ang impeachment ni Corona mao ang pagpalagpot kaniya sa puwesto kon siya makonbikto, samtang ang tuyo sa pag-impeach sa testinomiya ni Morales mao nga di kini magamit sa impeachment trial o pagkonbikto ni Corona.

Sa ubang mga kaso, gigamit kini aron pagbaliwa sa testimoniya sa usa ka testigo nga kontra sa nagpatawag kaniya o kaha nipasalig nga motestigo apan sa dihang didto na siya sa witness stand, nibali ang direksyon sa hangin ug ang iyang gisulti makadaot na hinuon sa nagpatawag kaniya. Mao nga ipakita sa hukmanan nga nag-usab-usab ang iyang gisulti aron di na kahatagan og bili ang iyang testimoniya.

Mahimong ma cross-examine ang usa ka witness pero ang mga pangutana kinahanglang magsubay sa mga butang nga natuki atol sa direct examination.

(Ang atong paghisgut-hisgot mahitungod sa balaud madungog na matag karon ug unya sa mga tampo nga dunay punto legal ngadto sa tulomanon nga “Alang Kanimo Kapuso” nga gisibya  gikan sa ala-una ngadto sa alas dos sa hapon sa sibyaan DYSS Superadyo sa RGMA network.)

(Sa mga reaksyon kang Atty. Eddie O. Barrita: E-mail: edbarrita@yahoo.com; Cell # 09165805285; Room 201, 18 Cherry Court Bldg., Gen. Maxilom Ave., Cebu City)