Albor: Maalamon nabangkarota sa kaayohan

BALAOD nga napasar apan walay natampo nga kaayohan sa mga kabos. Ang dugang duha ka tuig nga batakang edukasyon (K+12) nga gihungit sa Department of Education nagmugna lamang og dugang galastohan. Ang Extended Value Added Tax (EVAT) Law (RA 9337) ni Sen.
Ralph Recto nga nagpahamtang og buhis sa mga palaliton. Juvenile Justice and Welfare Act (RA 9344) ni Sen. Kiko Pangilinan nga nanalipod sa mga minor de edad gikan sa 17 anyos paubos nga dili mapriso kon makahimog krimen. Maayo gani kay giamendar nga ang 11 anyos paubos mao nalay dili masilotan. Sin Tax Bill (HB 5727) nila ni Camarines Sur Rep. Rolando Andaya ug Cavite Rep. Joseph Emilio Abaya nga nagdugang og bug-at nga buluhisan sa tabako, sigarilyo ug mga binotilyang ilimnon.

* * *

Gipanday nga balaod nga tukion nga dili gihapon makahatod og kaayohan sa kinabag-an.

Ang privatization sa 26 ka mga public hospital sa nasod (HB 6099) nila ni Bacolod Rep. Anthony Golez ug Negros Occ. Rep. Alfredo Marañon III nga naghikaw sa mga pasyenteng kabos. Ang Divorce Bill (HB 7799) nila ni Gabriela Rep. Luzviminda Ylagan ug Rep. Emerenciana de Jesus nga makaungkag sa kristohanong panaghiusa sa magtiayon.

Reproductive Health Bill nila ni Albay Rep. Edcel Lagman (HB 4244) ug Sen. Miriam Defensor-Santiago (SB 2378) nga nagpugong sa tim-os ug hingpit nga kalipay sa magtiayon. Same Sex Marriage Bill nga giduso sa US ug gisagop sa tanang organisasyon sa mga mahuyang nga makaguba sa kristiyanismong nasod, Religious Freedom Bill (HB 6330) ni Kabataan partylist Rep. Raymond Mong Palatino nga gidili ang pagbutang og balaang imahen, relihiyosong simbolo ug ang pagpahigayon sa relihiyosong kalihokan sa mga buhatan sa gobyerno nga nagpasipala sa katolikanhong kultura. Sila mga maa­lamon nga mga magbabalaod apan nabangkarota sa maayong ideya alang sa kaayohan nga mao unta ang pagtubag sa tinuoray nga panginahanglan.

DENGUE, RABIES UG HIV-AIDS

Makatakod nga sakit ang dengue fever tungod sa virus gikan sa lamok nga mopaak og adlaw. Samtang ang rabis usa ka grabe nga sakit nga makatakod ug makamatay tungod sa virus nga naa sa laway sa iro o ubang mananap nga makapaak. Mao diayng wala mahasol kadtong bana nga gipahit sa iyang asawa kay walay peligro sa dengue ug rabies.

* * *

Mokabat na sa 9,596 sa tibuok Pilipinas ang nasakit og HIV/AIDS gikan sa 1981 hangtod sa Mayo 2012, 359 niini ang nangamatay. Nag-una sa gidaghanon ang Manila-63 porsento, Central Visayas-21, Calabarzon-12 ug Davao-4 porsento. Wala pa gyoy nadiskobrehan nga tambal ning maong sakit. Tambag ni Dr. Rene Bul­lecer sa Aids Free Philippines, “stick to one hole”. Dili gyod makig-hilawas sa nagkalain-laing dinagaang.

* * *

Nasagmuyo ang kanhi undersecretary sa DILG ug anti-crime crusader Lito Ruiz nga wala magunok ang administrasyon sa naghitak nga drugas ug daghang mga komunista nga naa sa palibot. Wala gani mangayog pasaylo sa mga Insek nga gimasaker sa Manila kadtong luwan sa Hong Kong tourist bus. Ang Spratlys ug Scarborough Shoal duna na diay nalatid nga kasabotan apan wala panumbali­nga sa administrasyon hinungdan nga mitumaw ang tensyon.

Unsa ka tinuod nga ang China hilom nga gitabangan ang komunistang nasod sa Nepal nga adto magdawatan og hinabang pinansyal si Jose Maria Sison nga maoy founder sa Communist Party of the Phil. (CPP). Gihulagway ni Ruiz nga “crazy administration”.

Mora diayg sa awit ni Patsy Cline nga “Crazy” nga mananoyng paminawon.

(csa_1156@yahoo.com/0905-250-4643)