Nalzaro: Labanan hinoon ang mga badlungon

APAS sumpay kini sa atong lindog niadtong Domingo.

Aduna koy nadawat nga e-mail gikan sa usa sa atong mga suki nga bumabasa ning maong pamantalaan labi pa sa atong lindog. May kabahin kini sa atong isyo niadtong Domingo kabahin sa lakang sa taga Commission in Human Rights (CHR 7) nga imbestigahon si PO2 Lea Juarez nga nakapusil-patay og usa ka tulisan atol sa hot pursuit operation. Ania ang opinyon ni Espie Gepega.

Dear Sir Bobby,

I always read Superbalita especially your column. I was able to follow everything about the case of PO2 Lea Juarez, the policewoman. What she did was quiet heroic & noble and was a very good example for all our policemen. But now upon following the news, I was disappointed by what the Commission on Human Rights (CHR) is doing to her.

Kung naay krimen unya walay pulis, walay nakakita daghan kaayo ug estorya. Karon nga naay nindot nga ehemplo nga nakit-an mao na hinuon ang tutokan ug pangitaan ug sayop.

Sir Bob, naunsa naman ni? Ang mga naa sa katungdanan murag wala namay kalibutan sa ilang role? Sakto ka Sir Bob, ang uban pulis ani magpanuko na ug aksiyon ug dili na mgpakabana kay mahadlok ug basin sila na hinuon ang atubangon. Hoy CHR, wake up!!

Thank you.

INSAKTO

Insakto gyud ka, Maam Espie. Kining gihimo sa taga CHR kon ila kining ipadayon makapa-demoralize lagi kini ss mga pulis. Bisan ako namay pulis, makapusil ka og tulisan sa usa ka legitimate operation, unya imbestigahon pa, pagkawalay ayo. Ambot kon kinsay gilabanan aning taga CHR? Ang pulis nga nagtinarong, pagtubag sa katungdanan o ang mga badlungon sa katilingban. Maayo unya sunod kamoy tulison, unya walay pulis. Hinanggaw man nang inyo taga CHR.

WAY TRABAHO

Kadto si Rayl Cabornay kon wala pa kadto mapatay ni PO2 Juarez, basin posible nanulis pa kadto hangtod karon ug daghan pa ang mabiktima niadto kay mag-anad na man to. Ambot og pila na kaha kabuok ang nahimong biktima niadto sa wala pa siya mapusili ni Juarez.

Basin duna na kadtoy gipamatay nga biktima kay misukol. Kining nga kagwang nga mga tulisan dili ra ba ni magpanuko nga mopatay sa ilang mga biktima kon mosukol.

Nakahinumdum mo niadtong Rubi Jade Ruba, ang nursing student sa Cebu Doctor’s University nga gipusil sa mga mikuha sa iyang cellular phone lay misukol? Unya mao nang klasiha sa mga tawo atong labanan.

Kon wala nay laing trabaho kining taga CHR, ako silang hagiton nga mangadto sa bukid aron ilang masuta ang reklamo sa mga mag-uuma o mga ordinar­yong tawo didto kabahin sa abuso sa mga awtoridad og militar. Nasayod ko nga daghan kaayong abuso sa bukid. Kadto maoy ilang imbestigahon og hatagan og proteksiyon kay makalolooy kaayo to sila.

(bobby.nalzaro@yahoo.com)