Nalzaro: Way maayong sportsprogram ang nasud

HUMAN mapilde ang atong pambato sa boxing nga si Mark Anthony Barriga sa nagpadayon nga London Olympics batok sa iyang kontra nga taga Khazakstan niadtong Sabado sa gabii, na-awop ug napawong usab ang atong pangandoy nga makakuha og gold medal sa Olympic. Wala gyud intawon makatilaw og gold medal ang Pilipinas sukad magsugod ang Olympiad niadtong dekada 1930’s.

Hinoon, daghan na kitag napadala nga mga atleta apan walay nakadughit og bulawang medalya. Si Onyok Velasco unta to sa natad gihapon sa boksing niadtong 1994 Barcelona Olympic hapit na. Apan pilde gihapon maong kutob lang sa silver.

TRAINING

Kitang mga Pilipino dili man unta bintaha-an kon mga individual event lang ang hisgutan. O kanang duwa nga walay height o body built requirement sama anang boxing, archery, tennis, marathon o bisan kanang mga 100 o 200 meter dash. Naka-produced kita og mga maayong atleta niana kaniadto sama nila Monna Sulaiman, Lydia De Vega ug Elma Muros. Apan karon wala naman.

Nganong sa professional boxing nabaniog man ang Pilipinas sama kang Manny Pacquiao?

Daghan man tang nahimoong mga banggi-itang ug champion boxers? Ang problema god nato mao ang pagtrain sa mga potentials nga mga athletes. Ang ubang mga nasud bisan gagmay sama nato apan gihatagan og pagtagad sa ilang kagamhanan ang ilang sports program.

Sama sa South Korea. Ang mga Koreans sama ra nato og gidak-on apan nganong maka-
compete man sila sa halos tanang duwa og naka-gold man sila?

PUNDO

Ang problema diri sa ato mao ang pundo alang sa sub-sub nga training sa atong mga atleta. Dinhi magpraktis lang mga pipila ka buwan sa dili pa ang gikatakdang pa-ugnat sa kusog. Apan sa ubang mga nasud, inig human sa sport event, mag-train sa usab og balik ang mga atleta. Kay ngano man? Aduna man silay insaktong pundo. Dinhi sa ato, walay igong suporta. Sa training facilities pa lang, wala na.

Ang budget alang sa kagamitan, pagka-on og bitamina sa mga atleta, kurakoton pa man.

Unsaon man nimo kana? Kon ikaw atleta, unya mao na ang matang nga suporta sa kagamhanan, unsa may imong mahimo. Dili man lang na sige og ensayo, apil man ang pagkao-on ana og vitamis. Mao nga kutob na lang gyud ta diha. Walay asenso ang performance sa atong mga athletes kay way support sa kagamhanan. Mao nga dili nalang sa mangandoy anang gold medal sa Olympic hangtod nga mapalambo ang atong sports propgram.

(bobby.nalzaro@yahoo.com)