Editoryal: Tigpakaaron ingnon
-A A +AThursday, August 23, 2012
SI ANHING Local Government Secretary Jesse Robredo tautaud nang gitudlo ni Presidente Benigno Aquino III sa iyang posisyon.
Gawas nga kauban sila sa Liberal Party, naila si Robredo sa maayong pangagamhanan ug pagdumala sa Naga City diin siya nahimong mayor sulod sa dul-an sa duha ka mga dekada.
Apan sukad siya natudlo sa DILG, wa pa gyud siya makompirmahi sa Senado. Kon wa siya mamatay, wa mahisguti ang nag-ung-ong niya nga kompirmasyon.
Tuod medyo hayag na unta ang iyang kompirmasyon, apan gikinahanglan pa niya nga manawag og mga higala sa Senado aron lang siya makompirmahan.
Makalima na diay ka mga higayon siya gi-bypass sa Commission on Appointments.
Si Senate President Juan Ponce Enrile miangkon nga ang pipila ka mga sakop sa CA dunay problema kang Robredo, apan naplantsa na.
Kompirmahan na unta siya sa Agusto 29, apan gilantugian kon ihinayon ba kini o di kay patay na man siya.
Matod pa ni Enrile nga way epekto ang kompirmasyon kay nakompirmahan man o wa si Robredo, balido ug legal ang tanang mga dokumento nga iyang gipirmahan ug maila gihapon siya nga local government secretary.
Karon nga patay na si Robredo, puwerte nang nakadayeg sa mga pulitiko nga mao ra say responsable sa pagkalangay sa iyang appointment tungod lang sa pamulitika.
Sakto si Enrile, mag-unsa pa man ang appointment nga patay na man ang tawo? Aron lang gyud sila daygon? Mga tigpakaaron ingnon.
Gipatik sa mantalaang SuperBalita Cebu Agosto 24, 2012.
Opinyon
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
