Nalzaro: Noise Festival sa Minglanilla parish

-A A +A

Saturday, September 29, 2012


ABI ba gud nako og na­bungkag na kanang Team Mi­nistry diha sa Minglanilla Parish nga gipanguluhan ni Rev. Fr. Scipio ‘Jojo’ Deligero. Kay ang katapusan nakong nadunggan nga gipadala na ngadto sa kaulohan kini si Fr. Jojo aron kuno mo-eskuwela. Apan nibalik man diay gihapon diha uban sa iyang usa ka sakop niadto nga gipasanginlang ‘nag-esmi­ring­hoy’ og babaye likod sa simbahan. Ang usa gipasanginlan sab nga miabuso og mga batan-ong sakristan. Himabaye ang usa ka pari ug ang usa mahuyang. Gumikan sa maong immoral nga kalihukan, giprotestahan sila sa pipila ka mga parokyano.

Apan karong bag-o, gipabalik man diay sila diha. Wala gyud mohimo og lakang ang simbahan aron sa pagdisiplina ning maong immoral nga mga pari. Sus, pwera gaba, ang atong mga alagad sa simbahan nga mao untay motudlo kanato sa pagsubay sa maayong dalan, mao naman hinoon ang mitulibagbag. Unya kining kadagkuan sa simbahan wala poy gihimong aksiyon. Maoy hinungdan nga nag-anad lang ning mga pari nga mohimo og mga lakang nga supak sa ilang gipanumpaan. Puwera baliw lang.

PABUTO

Advertisement

Adunay mireklamo kanako pinaagi sa e-mail apan mihangyo lang nga dili ipublikar ang iyang pangalan. Kini kabahin sa gihimo sa maong mga pari diha sa Ming­lanilla nga mahilig magpabuto og mga firecra­ckers. Ang maong reklamante anaa ra magpuyo diha sa kilid sa simbahan. Niadtong miaging Sept. 21, hapon na, nagpabuto, matod pa, og mga firecracker ang taga simbahan kay ilang gisaulog ang noise festival. Naa diay noise festival? Karon pa ko makadungog niini da.
Ang usa ka firecracker didto tugpa sa iyang balay ug maayo na lang gani kay walay naigo. Daghan ra ba kuno ang mga bata nga nanagduwa sa ilang ground. Gumikan kay gihasulan na siya niining maong binuhatan sa taga simbahan kay kanunay man kini nilang himuon, iya na gyud nga gireklamo ug gipa-blotter ngadto sa kapulisan. Gitawgan sa pulis ang simbahan aron pagsuta kon si kinsa ang nagpasiugda niadtong pagpabuto. Ug si Fr. Jojo mao ang nakatubag. Giimbitar sa pulis ang pari ngadto sa police station aron paatubangon sa reklamante. Apan nagdumili si Fr. Jojo kay aduna pa kuno siyay misa.

NANGAYOG DISPENSA

Napugos ang pulis ug ang reklamante sa pag-adto sa simbahan ug didto gisugat sila sa laing pari nga si Fr. Oscar. (Siguro si Fr. Oscar Ornopia ni nga kuwestiyonable sab ang kinabuhi. Dunay mga anak). Matod pa nga isog kuno kaayong nakatutok si Fr. Oscar nila ug arogante pang manubag. Sa dihang gipangutana sa pulis kon sila ba ang nagpasiugda sa pagpabuto og firecrackers, miangkon ang pari nga sila maoy nagpasiugda kay ilang gisaulog ang noise festival. Hinuon, nangayo man sab kuno og dispensa ang pari ug misaad na nga dili na nila himuon. Aber, atong tan-awon og tinud-on ba gyod kini ilang gisaad.

(bobby.nalzaro@yahoo.com)

Gipatik sa mantalaang SuperBalita Cebu Septembre 30, 2012.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for December 22, 2014
Sun.Star Jobs
  • Filipino Abroad
  • Sun.Star Zup!
  • Pnoy
  • Habemus Papam
  • goodearth
  • Calamity Report
  • Sinulog
  • tell it to sunstar
  • ePaper
  • Pacman blog
  • Philippine Polls
  • SunStar Celebrity
  • Festivals
  • Technology
  • Obituary
  • Sunstar Multimedia