Nalzaro: Basag kotse gang sa Mabolo church

-A A +A

Saturday, October 13, 2012


ADUNAY mi-email kanako nga usa sa mga manimbahay diha sa simbahan sa Mabolo. Siya mireklamo kay kanunay na lang adunay mabiktima sa mga sakop sa basag kotse gang nga manimbahay usab nga anha moparada sa ilang mga sakyanan sulod sa compound sa simbahan. Niadtong miaging Dominggo, matod pa niya nga duha ka mga sakyanan ang nabiktima ning maong grupo og nakuhaan gyud og mga mahalong butang nga gibilin sa mga tag-iya sulod sa ilang sakyanan.

Kining basag kotse gang lahi kining maong grupo sa bukas kotse gang. Kining ila, bunalan ug buk-on gyud ang windshield sa sakyanan aron ilang makuha ang mga butang sa sulod. Mas dako og kadaot kining basag kotse kay bu-akon man gyud ang bildo. Ang bukas kotse, ila rang lubagon ang yawihanan o mogamit og improvised key aron maabri ang pultahan. Mao gitawag og mga car artist. Sama niadtong mibiktima kanako pipila ka tuig na ang nakalabay diha sa ground parking sa Ayala Mall. Ako gyud tong gipariso kay nailhan og nadakpan man sa kapulisan. Paghuman sa iyang sentensiya nga upat ka tuig, wala man gihapon magbag-o. Birahan sa vigilantes, aw, puwerting pataya.

ROVING

Advertisement

Dili ba matag parokya labi pa kon dako aduna man na silay Parish Security Group (PSG)? Nganong dili man mabantayan kining mga sakyanan nila? O ba kaha mohangyo ang taga simbahan sa barangay nga pabutangan og mga barangay tanod nga mag-roving. O pulis gyud kay duol ra god na sa Mabolo Police Station. Siyaro naman pod og dili makagahin ang Mabolo police og usa o duha ka personnel arob maoy mo-roving diha.Delikado na uy og dili mapakgang kanang maong matang sa modus. Si kinsa pa man unya ang ganahan mosimba nga magdala sa iyang sakyanan.

Unsaon na lang ang amot sa simbahan. Kanang magdala og sakyanan mga kuwartahan baya na. Ug kon pananglitan dili na na sila manimba, gamay na lang ang amot nga madawat sa simbahan. Ug wala kaayoy mangamot, wala kaayoy kuwarta si padre. Apil na kana sa seguridad sa kinatibuk-ang compound sa simbahan. Porbida ning mga kawatan o dautang elemento dili na magpanaga paghimo og mga krimen bisan anaa sulod sa simbahan.

NAGPABADLONG

Maghisgot naman ta og pari. Sus, nagpabadlong na pod ang usa sa mga pari nga anaa sa team ministry sa Minglanilla. Tiaw ba nimo kanang nagmisa niadtong miaging kadlawon nagkatulog sa iyang lingkuranan gumikan sa kahubog. Pag-ebanghilyo na, gipukaw sa lay minister. Na-alimungawan siguro, nasuko ang pari. Pastilan, abi ba nakog nabungkag na kanang maong mga grupo sa salawayon ug buluyagon nga mga pari. Puwera gaba, naa diha ang mga badlungon. Ang usa kay nasakpan nga nag-esmiringhoy og babaye sa likod sa simbahan. Ang usa bayot. Ang uban naay mga anak. Unya ganahan ka mosimba ania nila?

(bobby.nalzaro@yahoo.com)

Gipatik sa mantalaang SuperBalita Cebu Oktubre 14, 2012.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for November 27, 2014
Sun.Star Jobs
  • Obituary
  • Festivals
  • Sinulog
  • Pacman blog
  • Filipino Abroad
  • goodearth
  • tell it to sunstar
  • Philippine Polls
  • Calamity Report
  • ePaper
  • Sun.Star Zup!
  • Habemus Papam
  • Pnoy
  • SunStar Celebrity
  • Technology
  • Sunstar Multimedia