Ninal: Katolikong check-box

-A A +A

Wednesday, April 10, 2013


MATOD pa sa latest Social Weather Survey, usa sa matag onse ka-Pilipinong Katoliko makahunahuna usahay sa pag­biya sa simbahan. Ang survey nag-ingon usab nga kung ikumpara sa mga mi­yembro sa ubang tinuhoan, di kaayo tantong relihiyoso ang mga Katoliko. Buot ipasa­bot, di hinimba ug di kaayo aktibo sa mga kalihokan sa simbahan.

Sa survey nga gihimo niadtong Pebrero, 1,200 ka-Katoliko ang giinterbyu ug gipangayoan sa ilang reaksyon sa mosunod: “Sometimes I think that I might leave the Catholic Church,” o kun sa Binisaya pa, “Usahay maglagot ko’g paring di kamao mowali.”

Gipapili sila ning mosunod nga mga tubag: “strongly agree,” “somewhat agree,” “undecided if agree or disagree,” “somewhat disagree,” ug “strongly disagree.”

Sa Binisaya pa, ug di na ni komedya, “uyon gyud,” “medyo uyon,” “ambot,” “medyo di mouyon,” ug “di gyud mouyon.” Walay “medyo ambot,” wala puy “ambot gyud”.

Ang ninggawas, 9.2% ang ningtubag og “uyon gyud” ug “medyo uyon”.

Di bag-o ang nasuta sa survey, di gani ni angay’ng ikahibung. Natural sa tawo ang magbaton og pagduda sa daghang mga butang sa iyang kinabuhi. Ug kining pagduda usahay magtukmod niya sa paghukom nga maypag undangon ning tanan ug maghimo og laing kalibutan.

Importante usab sa resulta sa survey ang pulong nga “sometimes.” Kinsa ba nato ang wa makasinati og daghang mga“usahay” sa atong kinabuhi?

Usahay ganahan ko nimo, usahay maglagot ko bisan sa imong anino. Usahay laming ikaligo, usahay bahala’g manimaho. Usahay gwapo ka, kung ang pasultion imong mama.

Usahay dinhi, usahay didto. Usahay magadamgo ako nga ikaw ug ako.

Di ko apil sa 9.2% nga Katolikong Pilipino nga makahunahuna usahay sa pagbiya sa simbahan. Wala ni labot sa mga “usahay” sa akong kinabuhi. Apan wa pud ko naapil sa 85.6% nga nag-ingon nga di sila mobalhi’g relihiyon. Gani, di ko ka-relate sa survey.

Kung naay “I don’t care” o “Wa koy paki” sa mga tubag, kana tingali akong pilion.

Usa ko sa mga gitawag nga “nominal Catholic,” o Katoliko sa ngan lamang. Gitawag pud ko og “check box Catholic” kay kung naay pil-apan nga form, ang “Catholic” man nga box akong tsekan. Katoliko ko kay mao ni akong namat-an.

Kini akong gisulti bisan pa man sa akong kasinatian sa batan-on pa ko isip sacristan ug seminarian. Apan di nalang na nato hisgotan kay basin ta’g mabuntagan. Di pa ko ganahan mobalik-lantaw sa panahon nga nangandoy ko’ng ma-santo papa puhon.

Mintras tanto, bisan unsang relihiyon nga wa gidili ang tagay, ok ko ana bay.

(@insoymada on Twitter,insoyninal@gmail.com)

Gipatik sa mantalaang SuperBalita Cebu Abril 11, 2013.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for August 23, 2014
Sun.Star Jobs
  • Pnoy
  • Philippine Polls
  • goodearth
  • Obituary
  • SunStar Celebrity
  • Pacman blog
  • Habemus Papam
  • Sun.Star Zup!
  • Filipino Abroad
  • Sinulog
  • Sunstar Multimedia
  • Technology
  • Calamity Report
  • Festivals
  • ePaper
  • tell it to sunstar